(ភ្នំពេញ)៖ កញ្ញា ប៉ូគីមថេង សុធីតា កំពុងតំណាងកម្ពុជាក្នុងកម្មវិធីប្រកួតបវរកញ្ញាលំដាប់ថ្នាក់ពិភពលោកមានឈ្មោះថា «Miss Asia Pacific International» ២០១៩ នៅទឹកដីប្រទេសហ្វីលីពីន។ តាមរយៈចូលរួមក្នុងកម្មវិធីលំដាប់ថ្នាក់ពិភពលោកមួយនេះ កញ្ញា បាននាំយកឈុតស្បៃធំ ជាឈុតតំណាងជាតិរបស់កម្ពុជា។ ឈុតនេះ ត្រូវបានបង្ហាញឡើងជាថ្មី ក្រោយប្រជាពលរដ្ឋខ្មែរដឹងថា បានបាត់មួយរយៈធំ។
ពិតណាស់ មិនខុសពីបវរកញ្ញាបណ្តាប្រទេសដទៃ ដោយបវរកញ្ញា ប៉ូគីមថេង សុធីតា ត្រូវបានសង្កេតឃើញថាធ្វើបានយ៉ាងល្អ ពេលបង្ហាញវត្តមានលើឆាកអន្តរជាតិមួយរនេះ។ អ្វីដែលពិសេស កញ្ញា បានបង្ហាញកាយវិការយ៉ាងសុភាព ទន់ភ្លន់ តែមើលទៅរឹងមាំស័ក្តសមជានារីខ្មែរ។ ឈុតដែលនាងជ្រើសទៅបង្ហាញគឺមានឈ្មោះ «ស្បៃធំ»។
ទោះការប្រកួតមិនទាន់បញ្ជប់ក្តី តែមានអ្នកគាំទ្រជាច្រើន បានលើកទឹកចិត្តកញ្ញា ប៉ូគីមថេង សុធីតា ពីចម្ងាយ ដើម្បីជាកំលាំងចិត្តកញ្ញា ក្នុងការប្រកួតវគ្គបន្ត។ អ្នកគាំទ្របានចូលរួម ចែករំលែកសកម្មភាពរបស់ កញ្ញា ជាបន្តបន្ទាប់ ដើម្បីឲ្យមានការលេចធ្លោរក្នុងបណ្តាញសង្គម ក្រៅពីការខិតខំប្រឹងប្រែងផ្ទាល់ពីកញ្ញាហើយនោះ៕