(ភ្នំពេញ)៖ ព្រះសង្ឃមួយ១អង្គ ព្រ៖នាមព្រះព្រហ្មវិជ្ជា នី សុវណ្ណមុនីរ៉េត សមាជិកកុដិ២៤ វត្ត នាគវ័ន បានប្រកាសលើបណ្ដាញសង្គម Facebook ព្រះអង្គរនាព្រឹកនេះថា នៅថ្ងៃទី២៨ ខែ ធ្នូ ឆ្នាំ ២០១៩ ខាងមុខនេះ ជាថ្ងៃចំរើនព្រះជន្មរបស់ព្រះអង្គ លោកមានបំណងយកបច្ច័យ២០លានរៀល ដែលបានមកពីការជ្រះថ្លារបស់ពុទ្ធបរិស័ទនានា នាពេលកន្លង ទៅជួយដល់មន្ទីរពេទ្យគន្ធបុប្ផាដែលកំពុងខ្វះខាត។
កន្លងមកជារៀងរាល់ឆ្នាំ ព្រះសង្ឃដែលល្បីខាងទស្សន៍ទាយ មើលជំងឺ ផ្លូវក្រៅផ្លូវក្នុង ហើយមានអ្នកជឿច្រើន ហើយថែមមានទាំងមានញាតិញោម ទាំងក្នុងនឹងក្រៅប្រទេសជាច្រើន ជឿជាក់នោះ ពេលបុណ្យចំរើនព្រះជន្មរបស់ព្រះអង្គម្ដងៗ ព្រះអង្គតែងតែធ្វើបុណ្យចែកទានជាញឹកញាប់ មិនដែលអាក់ខានឡើយ។ ទទឹមគ្នានោះដែរ ព្រោះអង្គតែងតែចែកទានដល់ជនក្រីក្រ ព្រមទាំងអ្នកសិល្បៈក្រីក្រ ចាស់ជរាជាដើម។
ជាមួយនឹងការប្រកាសខាងលើនេះ ព្រះព្រហ្មវិជ្ជា នី សុវណ្ណមុនីរ៉េត សមាជិកកុដិ២៤ វត្តនាគវ័ន ក៏បានអំវនាវ ដល់ញាតិញោមពុទ្ធបរិស័ទ ចង់ចូលរួមជាមួយព្រះអង្គ ដោយក្ដីជ្រះថ្លា នៅថ្ងៃនោះតែម្ដង នៅមន្ទីរពេទ្យគន្ធបុប្ផាវេលាម៉ោង៨ព្រឹក។
Facebook ព្រះព្រហ្មវិជ្ជា នី សុវណ្ណមុនីរ៉េត បានសរសរបែបនេះថា «ខ្ញុំព្រះករុណាអាត្មាភាព ព្រះព្រហ្មវិជ្ជា នី សុវណ្ណមុនីរ៉េត សមាជិកកុដិ២៤ វត្ត នាគវ័ន នៅថ្ងៃទី២៨ ខែ ធ្នូ ឆ្នាំ ២០១៩ ខាងមុខនេះជាថ្ងៃ(ចំរើនព្រះជន្មអាត្មាភាព)ទន្ទឹមគ្នានោះដែរ ខ្ញុំព្រះករុណាអាត្មាភាពមានបំណង យកបច្ច័យ២០លានរៀល ដែលបានមកពីការជ្រះថ្លារបស់ពុទ្ធបរិស័ទនានា នាពេលកន្លង ទៅជួយដល់មន្ទីរពេទ្យគន្ធបុប្ផា ដែលកំពុងខ្វះខាត។ ដូចនេះប្រសិនបើញាតិញោមចង់ចូលរួម ជាមួយអាត្មាភាព អាចចូលរួមជាមួយអាត្មាភាព បានដោយក្ដីជ្រះថ្លា នៅថ្ងៃនោះតែម្ដង នៅមន្ទីរពេទ្យគន្ធបុប្ផាវេលាម៉ោង៨ព្រឹក ឬអាចទាក់ទងលេខទូរសព្ទ ០១៧ ៦០៩ ៩៩៩ /០១១ ៩៩៩៩ ២៥ / ០៧១ ៩៩៩៩ ៩២៥»៕