(ភ្នំពេញ)៖ តារាសម្ដែងភេទទី៣ បច្ចុប្បន្នកំពុងមានប្រជាប្រិយភាពគួរសមក្នុងសិល្បៈកញ្ញា ភី សម័យ ទោះបីជានាង គឺជាភេទទី៣ ពីមនុស្សប្រុសក្លាយទៅជាស្រីក៏ដោយ តែរូបសម្រស់របស់តារាសម្ដែងរូបនេះ ពិតជាស្រស់ស្អាត មិនចាញ់សុភាពនារីពិតៗនោះទេ ជាពិសេសនោះ រូបសម្ផស្សរបស់នាង គឺស្អាតបែបធម្មជាតិ ដោយមិនធ្លាប់ទទួលការកែកុន ឬមុខកាំបិតវះកាត់កន្លុកកន្លៀតណាមួយ ពីមុនមកនោះឡើយ។
ជាការពិត មិនខុសពីនារីទូទៅ ដែលមានសម្រស់ស្រស់ស្អាត តារាសម្ដែងភេទទី៣ ភី សម័យ បានរៀបចំខ្លួនយ៉ាងស្រស់ស្អាត ក្នុងពិធីខួបកំណើតរបស់នាង នាពេលថ្មីៗនេះ។ អ្វីដែលកត់សម្គាល់ គឺនាងមើលទៅនៅតែលេចធ្លោ ក្នុងរ៉ូបពណ៌ស បំពាក់ទៅដោយមកុដ ហាក់ដូចជាមនុស្សស្រីពិតៗ មិនមែនជាភេទទី៣នោះទេ។ បើទោះជាក្នុងពិធីនោះ មានតារាស្រីៗច្រើននាក់ តែងខ្លួនស្អាតៗ និងមានភាពលេចធ្លោក៏ដោយ។
កញ្ញា ភី សម័យ បានឲ្យដឹងថា ដ្បិតថានាងគឺជាតារាភេទទី៣ តែនាងក៏ត្រូវតែស្អាត និងត្រូវតែគិតគូពីការតែងខ្លួន មិនឲ្យខ្មាស់សម្រស់នារីស្អាតៗពីធម្មជាតិមួយចំនួននោះដែរ ដោយសារតែនោះ គឺជាចំណូលចិត្ត។ នាងអះអាងថា អ្វីដែលធ្វើឲ្យនាងកាន់តែស្អាត និងផូរផង់ក្នុងថ្ងៃខួបកំណើតនោះ មិនមែនដោយសារតែហេតុផលកែសម្រស់ និងធ្លាប់ឆ្លងកាត់មុខកាំបិត ដើម្បីកែកុនមុខមាត់នោះទេ ពោលគឺជាសម្រស់ពិតៗពីធម្មជាតិ និងគួរផ្សំមកពីនាងសប្បាយចិត្ត នឹងការងារជោគជ័យមួយរយៈចុងក្រោយនេះ។
ជាមួយគ្នានេះ ភី សម័យ បានបង្ហាញអារម្មណ៍រំភំភើបរីករាយ និងសប្បាយចិត្ត ដែលក្នុងពិធីខួបកំណើតរបស់នាង គឺមានអ្នកសិល្បៈជាច្រើន បានបង្ហាញវត្តមាន បង្កជាបរិយាកាសឲ្យកាន់តែសប្បាយ បើទោះបីជាមានមិត្ត និងអ្នកសិល្បៈមួយចំនួនមានការអាក់ខាន មិនបានចូលរួមក៏ដោយ។
គួរឲ្យដឹងថា ក្រៅពីការសម្ដែងស្រីស្អាត ភី សម័យ ក៏បានបើកអាជីពបន្ថែមពីលើការងារសិល្បៈ ដោយលក់ផលិតផលតាមប្រព័ន្ធអនឡាញ និងមុខរបរជាជាងផាត់មុខ ហើយការងារទាំងពីរមុខនេះ គឺទទួលបានជោគជ័យ គួរឲ្យកត់សម្គាល់៕
