(ភ្នំពេញ)៖ ពិតណាស់ម្ចាស់មកុដក្នុងកម្មវិធីប្រឡងសម្រស់លំដាប់ថ្នាកពិភពលោក «Miss Word» 2019 នេះ គឺបានទៅលើបវរកញ្ញាស្បែកខ្មៅ មកពីប្រទេស Jamaica គឺកញ្ញា Toni-Ann Singh។ បន្ទាប់ពីកម្មវិធីត្រូវបានបញ្ចាប់ អ្វីដែលមហាជនចាប់អារម្មណ៍រហូតមកទល់នឹងបច្ចុប្បន្ននេះ គឺសមត្ថភាពពិសេសរបស់នាង។ ព្រោះក្រៅពីមានរូបសម្រស់ស្អាត មានចំណោះដឹង ហើយនោះ ងាកមកសំឡេងវិញ គឺពិរោះយ៉ាងខ្លាំង ពេលបកស្រាយចម្រៀងមួយបទ ក្រោមចំណងជើងថា «I have Nothing»។
ជាក់ស្ដែង តាមរយៈបណ្តាញសង្គម គឺមានការចែករំលែកនូវវីដេអូចម្រៀងរបស់កញ្ញា Toni-Ann Singh ពេលបកស្រាយចម្រៀងលើឆាក នៃកម្មវិធីលំដាប់ថ្នាក់ពិភពលោក «Miss World»។ កាន់តែពិសេសគឺ សំនៀងនៃការស្រែកច្រៀងដ៏ក្រអួនក្រអៅ ធ្វើឲ្យគ្រប់គ្នាដែលមានវត្តមានក្នុងកម្មវិធី «Miss World» កាលពីពេលកន្លងទៅថ្មីៗនេះ ស្ញើរសរសើរ និងស្រែកហោរគាំទ្រគ្រប់គ្នា។ ម្ចាស់កមុដរូបនេះ បានបញ្ចេញសមត្ថភាព ដោយលើកយកចម្រៀងមួយបទមកច្រៀង មានចំណងជើងថា «I have nothing» ដែលជាបទដ៏ល្បីលំដាប់ពិភពលោក មកបកស្រាយ ជាមួយនឹងការស្រែកយ៉ាងមានទំនុកចិត្ត និងសម្ដែងទឹកមុខ កាយវិកាយ៉ាងទាក់ទាញ ធ្វើឲ្យគ្រប់គ្នាទះដៃលាន់លឺកងរំពងពេញឆាកតែម្តង។
គួរជម្រាបថា ម្ចាស់មកុដ «Miss World 2019» កញ្ញា Toni-Ann Singh បានបញ្ចប់ថ្នាក់បរិញ្ញាបត្រផ្នែកចិត្តវិទ្យាពីសាកលវិទ្យាល័យរដ្ឋផ្លរីដា (Florida State University)។ កញ្ញា គឺជានារីទី៤ហើយរបស់ប្រទេស Jamaica ដែលឈ្នះមកុដ ក្នុងកម្មវិធី «Miss World»។
សូមទស្សនាវីដេអូចម្រៀងខាងក្រោម៖