(ភ្នំពេញ)៖ បទ «រំលឹករឿងចាស់ចង់តែយំ» ដែលជាបទចម្រៀងថ្មីរបស់លោក ឆាយ វីរ:យុទ្ធ ត្រូវបានឧកញ៉ាម្នាក់រ៉ាប់រងចំណាយទាំងស្រុង ដោយបទចម្រៀងនោះទើបតែផលិតរួចរាល់កាលពីពេលថ្មីៗនេះប៉ុណ្ណោះ។
បទ «រំលឹករឿងចាស់ចង់តែយំ» ត្រូវបានបង្ហោះជាសាធារណៈនៅថ្ងៃនេះ ហើយក៏មានហ្វេនជាច្រើននាំគ្នា like share និង comment ជាហូរហែ ព្រោះភាគច្រើនត្រូវរឿងរបស់ពួកគេ។ បទចម្រៀងដ៏មានអត្ថន័យនេះ បានចាក់ដោត ស្តាប់ហើយស្ទើរខ្ទេចខ្ទាំបេះដូង ថ្លើមប្រមាត់ ព្រោះតែមនុស្សដែលខ្លួនស្រលាញ់ ទុកយើងត្រឹមជាកាំជណ្តើរ។ អ្វីដែលពិសេស ព្រោះតែស្រលាញ់បទនេះពេក មានបុរសម្នាក់ដែលគេស្គាល់មានងារជាឧកញ៉ាផងនោះរ៉ាប់រងចំណាយទាំងស្រុង ក្នុងការផលិតបទចម្រៀងនេះឡើង។
លោក ឆាយ វិរៈយុទ្ធ បានឲ្យដឹងថា លោកឧកញ៉ា ដែលបានចំណាយប្រាក់ក្នុងការជួយផលិតបទចម្រៀងថ្មី មានទំនុកច្រៀង មេឡូឌី នឹងទំនុកភ្លេង ហើយអាចនឹងឈានទៅរកការផលិតខារាអូខេក្នុងពេលឆាប់ៗខាងមុខនេះថែមទៀតផងនោះ គឺ ឧកញ៉ា ម៉េន កានី «Oknha GANY MEN. GM» ដែលបានស្រលាញ់រាប់អានកន្លងមក។ ក្រៅពីជាដៃគូពាណិជ្ជកម្មជាមួយគ្នា លោក ឆាយ វិរៈយុទ្ធ ប្រាប់ថា លោកឧកញ៉ា គឺជា Fans ម្នាក់ ដែលពេញចិត្តសំលេងរបស់លោកតាំងពីយូរយាមកហើយ។ ទន្ទឹមគ្នានោះដែរ ដោយសារតែមានទំនាក់ទំនងនេះហើយបានឈានឲ្យអ្នកទាំងពីរស្គាល់គ្នា ហើយបានបោះទុនរកស៊ីជាមួយគ្នា ជាបន្តបន្ទាប់បែបនេះ។
ចង់ដឹងបទ «រំលឹករឿងចាស់ចង់តែយំ» របស់លោក ឆាយ វិរៈយុទ្ធ ដែលនាំឲ្យលោកឧកញ៉ាចំណាយប្រាក់ជួយផលិតឡើងមានអត្ថន័យបែបណា តោះ! ប្រិយមិត្តស្ដាប់ទាំងអស់គ្នា៖
