(ភ្នំពេញ)៖ ពិតណាស់ តារាចម្រៀងប្រុសលោក អេនឌី ដែលតែងតែថតរូបភាពសិចស៊ីជាមួយតារាស្រីជាច្រើននោះ ពេលនេះបានត្រឡប់មកវិញហើយ ក្រោយពីស្ងប់ស្ងាត់ក្នុងវិស័យសិល្បៈរយៈពេលយូរ។ ការវិលមកវិញរបស់តារាប្រុសរូបនេះ គឺតាមរយៈការថតត្រៀមដាក់ក្នុង MV ចម្រៀង ជាមួយដៃគូចាស់ កញ្ញា ពេជ្រ អាវីហ្សា សម្រាប់រដូវកាលបុណ្យចូលឆ្នាំចិនខាងមុខ។
ដូចទម្លាប់តារាប្រុសលោក អេនឌី រមែងកៀកកើយជាមួយតារាស្រីសាច់សខ្ចីដូចបណ្តូរចិត្ត ពេជ្រ អាវីហ្សា។ ស្ថិតក្នុងឈុតសម្លៀកបំពាក់ប្រពៃណីចិន អែនឌី និង ពេជ្រ អាវីហ្សា បង្អួតសម្រស់យ៉ាងទាក់ទាញ ក្នុងស្ទិលឱបគ្នាយ៉ាងស្និតស្នាល បង្ហាញទឹកមុខសិចស៊ីដូចសព្វមួួយដង។
តាមប្រភពច្បាស់ការណ៍បានឲ្យដឹងថា ការបង្ហាញខ្លួនរបស់លោក អេនឌី ជាមួយ ពេជ្រ អាវីហ្សា លើកនេះគឺដើម្បីថត MV ចម្រៀង Cover «ស្នេហ៍ផ្អែមដូចទឹកឃ្មុំ», «ផ្ការោយមុនរដូវ», «ស្រលាញ់អូនមិនស្តាយក្រោយ» និងបទ «ស្នេហ៍ក្នុងសុបិន្ត» សម្រាប់ស្វាគមន៍អ្នកគាំទ្រ ក្នុងឱកាសបុណ្យចូលឆ្នាំចិនខាងមុខ។ ចម្រៀងទាំង៤បទខាងលើក គឺជាសំនៀងដើមរបស់លោក នូ ស៊ឹប, នី សាលឿន និងបទរបស់អ្នកនាង ម៉េង កែវពេជ្ជតា៕