(ភ្នំពេញ)៖ អតីតតារាចម្រៀង ម៉ូលីកា និងស្វាមី លោកហុង ម៉ានុណ ហៅឆានុន ដែលជាម្ចាស់ហាង «Nk Molika Beauty Trading Co.Ttd» បានឧបត្ថម្ភចំនួនម៉ាស៥,០០០ ស្រោមដៃចំនួន៥០០គូ និងទឹកអាល់កុលចំនួន៦០០ដប ជូនលោកឧត្តមសេនីយ៍ឯក ស ថេត អគ្គស្នងការង និងជាស្នងការនគរបាលរាជធានីភ្នំពេញ ដើម្បីចូលរួមបង្ការ និងទប់ស្កាត់ការរីករាលដាល នៃវីរុសកូវីដ១៩ នារសៀលថ្ងៃទី១៤ខែមេសា ឆ្នាំ២០២០នេះ។
ម៉ូលីកា បានបង្ហាញអារម្មណ៍រីករាយ ចំពោះការដែលបានជូនសម្ភារៈទាំងនេះ ដល់មន្ត្រីនៅស្នងការនគរបាលរាជធានីភ្នំពេញ នៅលើបណ្ដាញសង្គមថា «សប្បាយចិត្តណាស់ ដែលបានឧបត្ថម្ភម៉ាស ស្រោមដៃ និងអាល់កុល ជូនដល់ឯកឧត្តម ឧត្តមសេនីយ៍ឯក ស ថេត»។ សម្ភារៈទាំងនោះ ត្រូវបានគេដឹងថា ត្រូវចំណាយអស់ថវិកា ប្រមាណចំនួន៣៥០០ដុល្លារ។
ដោយឡែក នៅលើហ្វេសប៊ុកលោកឧត្តមសេនីយ៍ឯក ស ថេត ក៏បានថ្លែងអំណរគុណដល់សប្បុរសជនទាំងអស់ ដែលបានយកម៉ាស ស្រោមដៃ និងអាល់កុល និងជេលលាងដៃសម្លាប់មេរោគ រួមជាមួយសម្ភារៈមួយចំនួនទៀត ជូនដល់ស្នងការដ្ឋាននគរបាលរាជធានីភ្នំពេញ ដើម្បីចូលរួមបង្ការ និងទប់ស្កាត់នៃវីរុសកូវីដ១៩។ ក្នុងនោះមានលោក ហុង មានុណ និងលោកស្រី អឿន ម៉ូលីកា ម្ចាស់ហាង Nk Molika Beauty Trading Co.,Ltd បានឧបត្ថមម៉ាសចំនួន៥,០០០ ,ស្រោមដៃចំនួន៥០០គូ និងអាល់កុលលាងដៃចំនួន៦០០ដប។
សូមបញ្ជាក់ថា នេះមិនមែនជាលើកទី១ឡើយ ដែលអតីតតារាចម្រៀង ម៉ូលីកា តែងតែបង្ហាញទឹកចិត្តសប្បុរសធម៌ ក្នុងកិច្ចការជួយដល់សង្គម។ ជានិច្ចជាកាលគេឃើញនាង តែងតែបង្ហាញនូវចិត្តសប្បុរស និងចែកទានដល់តារាសិល្បករ ដែលក្រខ្សត់ខ្លាំង រួមទាំងពលរដ្ឋដែលនាងបានជួបផ្ទាល់ និងដឹងថាមានមានជីវភាពលំបាក គឺនាងតែងតែផ្ដល់ថវិកានិងសម្ភារៈផ្សេងៗ ទៅតាមលទ្ធភាពដែលអាចធ្វបាន។
ក្រៅពីទិញសម្ភារៈខាងលើអស់ទឹកប្រាក់ចំនួន៣៥០០ដុល្លារនោះ កាលពីពេលថ្មីៗនេះដែរ ម៉ូលីកា ក៏បានផ្ដល់ថវិកាចំនួន២,០០០ដុល្លារ ដល់រាជរដ្ឋាភិបាលក្នុងការចូលរួមទប់ស្កាត់កូវីដ១៩ ។នាងជាថៅកែស្រីដែលត្រូវអតិតិជន ផ្ដល់រងហស្សនាមថា «ថៅកែស្រីស្អាតនិងចិត្តធម៌» ទើបធ្វើឲមុខជំនួញរបស់នាង ហាង អិនខេ ម៉ូលីកា ប៊ីយូធី ត្រេឌីង ឯ.ក កាន់តែមានគេគាំទ្រច្រើន ស្ទើរនឹកស្មានមិនដល់៕