(ភ្នំពេញ)៖ ឆាកជីវិតរស់ មនុស្សនៅលើលោកនេះ រមែងជួបប្រទះនូវរឿងរ៉ាវ ដែលនឹកស្មានមិនដល់ ទៅតាមបែបផែននីមួយៗ។ បុគ្គលមួយចំនួនជួបរឿងកម្សត់ទុក្ខព្រួយ ហើយបានព្យាយាមតស៊ូរើរំដោះខ្លួន ដើម្បីចាកឆ្ងាយរបាំងដ៏សែនសោកសៅមួយ ឆ្ពោះទៅរកពន្លឺរស្មីមួយប្រសើរ។ យ៉ាងណាមិញ នៅពេលនេះសូមណែនាំ លោកអ្នកឲ្យស្គាល់ពី ជីវិតស្ត្រីម្នាក់ ដែលមានប្រវត្តិតស៊ូ ដើម្បីចារទុកជាគំរូដល់អ្នកជំនាន់ក្រោយ។
អ្នកគ្រូ «រួយ» ដែលមានរហ្សសនាមថា «មែរួយ MaeRouy» បានផ្លាស់ប្តូរជិវិតយ៉ាងឆាប់រហ័ស រយៈពេលត្រឹមតែ១ឆ្នាំ អាចកសាងជិវិតថ្មីបានដោយមិនគួរឲ្យជឿ។ មកទល់ពេលនេះមែរួយ មានក្រុមហ៊ុនមួយដ៏ល្បីល្បាញ មានលុយ ឡាន វីឡាដ៏ស្កឹមស្កៃ មានកេរ្តិ៍ឈ្មោះដ៏ល្បីល្បាញ មានអ្នកគាំទ្រ និងហ្វេនៗស្រឡាញ់មែរួយរាប់សែននាក់។ មែរួយមានឈ្មោះល្បីយ៉ាងខ្លាំង ទៅលើការបង្រៀន អំពីការពង្រឹងផ្លូវចិត្តមនុស្ស លុបបំបាត់ភាពបាក់ទឹកចិត្ត ជួយឲ្យមនុស្សរឹងមាំ ក្លាហានជំនះរាល់ឧបសគ្គ ដែលកើតឡើងចំពោះមុខ ឲ្យឈានទៅរកគោលដ៏ធំបំផុតរបស់ខ្លួន។
ជិវិតរបស់មែរួយ មុនពេលក្លាយជាអ្នកបង្រៀន គឺពិបាកវេទនាណាស់ ខ្លួនជាក្មេងស្រីតូចម្នាក់អាយុត្រឹម១៧ឆ្នាំ បានបោះបង់ចោលការសិក្សារទៅស៊ីឈ្នួលគេ នៅប្រទេសថៃរយៈពេល៥ឆ្នាំ យកលុយមកចិញ្ចឹមគ្រួសារ។ មែរួយកើតចេញពីត្រកូលអ្នកក្រីក្រនៅតាមខេត្ត កំព្រាឪពុក ថែមទាំងមានបងប្អូនច្រើន និងជំពាក់បំណុលគេរហូតដល់១០ម៉ឺនដុល្លារ។ ជិវិតបានដើរដល់ផ្លូវទ័ល មែរួយក៏សម្រេចចិត្តរៀន អំពីការពង្រឹងផ្លូវចិត្តមនុស្ស លុបបំបាត់ភាពបាក់ទឹកចិត្ត ជួយឲ្យមនុស្សរឹងមាំ ក្លាហានជំនះរាល់ឧបសគ្គ ដោយឃើញថា វាអាចឲ្យមែរួយផ្លាស់ប្តូរជិវិតបាន។
ទីបំផុតមែរួយ អាចផ្លាស់ប្តូរជិវិតបានយ៉ាងលឿន បែបផ្លូវកាត់នៃជិវិត រយៈពេលត្រឹម៦ខែ មែរួយ មានលទ្ធភាពដោះបំណុល ១០ម៉ឺនដុល្លារបាន សាងក្រុមហ៊ុនបាន ថែមទាំងមានកេរ្តិ៍ឈ្មោះក្នុងសង្គម។ អ្នកគ្រូរួយមកទល់ពេលនេះ បានបង្រៀនពីការពង្រឹងផ្លូវចិត្ត រយៈពេល២ឆ្នាំមកហើយ កូនសិស្សរាប់ម៉ឺននាក់ ដែលបានផ្លាស់ប្តូរជិវិត។ មែរួយក៏បានបោះពុម្ភសៀវភៅ មួយក្បាលដែលហៅថា «សៀវភៅ១៤ថ្ងៃផ្លាស់ប្តូរជីវិតជារៀងរហូត"» ដែលជាមេរៀនដកស្រង់ពីជិវិតពិតក្នុងការប្រើប្រាស់គោលដៅ រហូតទទួលបានជោគជ័យ៕