(ម៉ៃអាមី)៖ Inter Miami ដែលត្រូវបានគេស្គាល់ថា ជាក្លិបរបស់អតីតប្រធានក្រុមជម្រើសជាតិអង់គ្លេស David Beckham បានកំពុងពិចារណាទិញយកកីឡាករខ្សែបម្រើប្រយុទ្ធ James Rodriguez នៃក្លិបអេស្ប៉ាញ Real Madrid។ នេះបើយោងតាមការចេញផ្សាយដោយ Marca នាថ្ងៃទី២៣ ខែមេសា ឆ្នាំ២០២០ នេះ។
ក្រុមមកពីលីគ MLS របស់អាមេរិក Inter Miami CF ដែលក្លិបស្ថិតក្រោមការគ្រប់គ្រងដោយលោក David Beckham បានចួលរួមក្នុងចំណោមក្លិបដទៃទៀត ក្នុងការស្វែងរកកិច្ចព្រមព្រៀមជាមួយក្លិប Real Madrid ខណៈខ្សែបម្រើប្រយុទ្ធ អន្តរជាតិកូឡុំប៊ីខាងលើនេះនឹងផុតកំណត់កិច្ចសន្យាជាមួយ Real នៅឆ្នាំ២០២១ ដែលកំពុងស្ថិតក្នុងភាពត្រដាបត្រដួសជាខ្លាំង ក្រោមការដឹកនាំរបស់លោក Zinedine Zidane នោះ។
ជុំវិញការចាប់អារម្មណ៍នេះក៏ត្រូវបានលោក Beckham ធ្វើការទាក់ទងទៅកាន់ប្រធានក្លិប Real Madrid លោក Florentino រួចហើយដែរក្នុងការពិភាក្សាស្វែងរកកិច្ចព្រមព្រៀងចំពោះ James ដែលនេះក៏ជាការប្រជែងមួយរវាងក្រុមមកពី Premier League, Serie A ទៅលើការនាំយកខ្សែបម្រើប្រយុទ្ធវ័យ ២៨ឆ្នាំ សញ្ជាតិកូឡុំប៊ី តែពេលវេលាគ្រប់យ៉ាងនាទឹកដីអេស្ប៉ាញ នឹងអាចសម្រេចបាននៅចុងបញ្ចប់រដូវក្តៅនេះ៕