(ភ្នំពេញ)៖ តារាចម្រៀងល្បីលំដាប់ប្រទេស របស់ផលិតកម្ម សាន់ដេ កញ្ញា សុខ ពិសី បានបរិច្ចាគប្រាក់រហូតដល់ទៅ២ពាន់ដុល្លារ តាមការអំពាវនាវរបស់ប្រមុខ នៃរាជរដ្ឋាពិបាលកម្ពុជា ដើម្បីឲ្យគណៈកម្មាធិការជាតិ ប្រយុទ្ធប្រឆាំងនឹងជំងឺកូវីដ-១៩ ប្រើប្រាស់តាមតម្រូវការជាក់ស្ដែង ទប់ទល់នឹងជំងឺឆ្លង Covid-19។
តាមរយៈសារបង្ហោះ លើហ្វេសប៊ុកផ្ទាល់ខ្លួនរបស់នាង កាលពីពេលថ្មីៗនេះ មានអ្នកសិល្បៈ និងអ្នកគាំទ្រជាច្រើន បាន Comment សរសើរថា នាង សុខ ពិសី មិនត្រឹមតែមានសំឡេងពីរោះ និងរូបសម្បត្តិស្អាតបាតគួរជាទីស្រឡាញ់នោះទេ នាងកថែមទាំងមានទឹកចិត្តល្អ ចេះដឹងពីទុក្ខលំបាករបស់ជាតិ ក្នុងគ្រាដែលប្រទេស កំពុងគំរាមកំហែងដោយកូវីដ-១៩។
តារាចម្រៀង មានសម្រស់ផូរផង់ សុខ ពីសី និយាយថា ក្នុងស្មារតីចូលរួមចំណែកជាមួយរាជរដ្ឋាភិបាល ក្នុងការប្រយុទ្ធប្រឆាំងនឹងកូវីដ-១៩ រូបនាងបានបរិច្ចាគថវិកានេះ ដោយស្ម័គ្រចិត្ត និងជាផ្នែកមួយជួយប្រយុទ្ធប្រឆាំង នឹងការរីករាលដាល នៃជំងឺកូវីដ១៩ នៅក្នុងប្រទេសកម្ពុជាផងដែរ៕