(សេអ៊ូល)៖ ជាការកត់សម្គាល់ចម្រៀងថ្មី របស់តារាពហុជំនាញ IU ដែលសហការណ៍ច្រៀងជាមួយ Suga សមាជិក BTS ត្រូវបានបញ្ចេញជាផ្លូវការ នៅថ្ងៃទី០៦ ខែឧសភា កន្លងទៅ។ បញ្ចេញទើបតែបាន២ថ្ងៃ ចម្រៀងមួយនេះ មានមហាជនជាច្រើនគាំទ្រ រហូតទទួលបានចំណាត់ថ្នាក់អ្នកចូលស្តាប់ច្រើនជាងគេ ក្នុងចំណោមចម្រៀងក្នុងស្រុក។
បទថ្មីចំណងជើងថា «Eight» របស់ IU និង Suga ទទួលបានការចាប់អារម្មណ៍ខ្លាំងបែបនេះ គឺដោយសារតែអ្នកគាំទ្រទស្សនា MV និង ស្តាប់អត្ថន័យចម្រៀងហើយ មានខ្លឹមសាររំលឹកដល់មិត្តរបស់ IU គឺ Sulli ដែលបានបាត់បង់ជីវិត ដែលចំណុចនេះធ្វើឲ្យ អ្នកដែលស្តាប់ហើយទប់ទឹកភ្នែកមិនជាប់តែម្តង។
បើតាមមតិរបស់អ្នកលេងបណ្តាញសង្គមបានលើកឡើងថា ក្មេងស្រីដែលស្លៀករ៉ូបសក្នុង MV នោះតំណាងឲ្យ Sulli ដែលបានស្លាប់ទៅហើយនោះ និងចំណងជើងចម្រៀង «Eight» បកថា លេខ «៨» តំណាងឲ្យចំនួន ៨ ដែល IU និង Sulli រាប់អានគ្នាជាមិត្តល្អ។
IU បានតែងខ្លួនប្លែកតាមស្ទីលរបស់ Sulli បូករួមនឹងរូបភាពផ្សេងទៀតក្នុង MV បានធ្វើឲ្យអ្នកគាំទ្រសន្និដ្ឋានដោយមិនស្ទាក់ស្ទើរថាបទនេះ គឺសម្រាប់ឧទ្ធិលដល់ Sulli ៕