(ដកម៉ាន់)៖ ក្រុមបាល់ទាត់ Borussia Dortmund បានត្រៀមខ្លួនរួចរាល់ហើយក្នុងការប៉ះទល់នឹងក្រុម Schalke ដែលស្ថិតក្នុងទីក្រុង Dortmund តែមួយនៃការចាប់ផ្តើមក្របខណ្ឌ Bundesliga ឡើងវិញដែលនៅសល់ ៩ប្រកួតរដូវកាលឆ្នាំ២០១៩-២០២០។

អតីតក្រុមរងជើងឯកលីគកំពូលអាល្លឺម៉ង់រដូវកាលមុន បានចាញ់ពិន្ទុក្រុមកំពូលតារាង Bayern Munich ដែលមាន ៥១ពិន្ទុគិតត្រឹមសប្តាហ៍ទី២៤ មុនពេលផ្អាកបណ្តោះអាសន្នកាលពីថ្ងៃទី១៣ ខែមីនា ដោយសារបញ្ហាជំងឺ COVID-19។

៣ពិន្ទុក្នុងដីនាម៉ោង ៨៖៣០នាទី (ម៉ោងនៅកម្ពុជា) យប់ថ្ងៃសៅរ៍ ទី១៦ ខែឧសភា ឆ្នាំ២០២០ សំខាន់ខ្លាំងណាស់ សម្រាប់ក្រុមដែលទើប ជ្រុះចេញពី UEFA Champions League ក្រោមថ្វីជើងរបស់ PSG ដើម្បីបន្តប្រជែងពាន Bundesliga ជាមួយក្រុមការពារជើងឯក Bayern Munich ដ្បិតនៅសល់តែ ៩ប្រកួតទៀតប៉ុណ្ណោះ នឹងបិទរដូវកាលនេះ។

កីឡាករសំខាន់ៗមានដូចជា Mats Hummels, Mario Gotze, Jadon Sancho និង Erling Haaland សុទ្ធតែបានចេញហ្វឹកហាត់ដូចគ្នា ដើម្បីត្រៀមចាប់ផ្តើមសប្តាហ៍ទី២៥ ជាបន្តទៀត៕