(ភ្នំពេញ)៖ Kaka KH Australia ដែលមានប្រជាប្រិយភាពខ្លាំងក្នុងបណ្តាញសង្គម ត្រូវបានគ្រប់គ្នាដាក់រហស្សនាមអោយថា តារាហ្វេសប៊ុក នោះ ទើបតែទទួលបានសមាជិកថ្មី ដោយទើបនឹងសម្រាលបានកូនប្រុស មានមុខមាត់គួរឲ្យក្នាញ់ កាន់រកឪពុក។

ក្នុងបណ្តាញសង្គមរបស់ KaKa KH Australia បានបង្ហោះរូបភាពជាច្រើនសន្លឹក ភ្ជាប់ជាមួយសារថា «សូមណែនាំអោយស្គាល់សមាជិកថ្មីកូនប្រុសរបស់ពួកខ្ញុំទាំងពីរ តើមុខដូចប៉ាឬក៏ដូចម៉ាក់??? ឈ្មោះខ្មែរ: ស៊ាន ចំរើន។ កើតថ្ងៃទី១៦ ខែ៥ ឆ្នាំ២០២០ វេលាម៉ោង ១០៖៤៩នាទីព្រឹក។ ទម្ងន់ ៤.១០៥ Kg. មិនបានកើតតាមធម្មជាតិដូចចិត្តចង់ទេ ប៉ុន្តែសប្បាយចិត្តពេលដែលឃើញមុខកូនប្រុស ហើយដឹងថាកូនមានសុខភាពល្អរឹងមាំ ឥឡូវបានឃើញមុខអាអូនទាំងអស់គ្នាហើយ អញ្ចឹងពេលនេះម៉ាក់ម៉ាក់សុំពេលសម្រាកយកកម្លាំងសិន»។

យ៉ាងណាមិញ ជាមួយនឹងការទទួលបានកូនប្រុសដំបូង ពីសំណាក់ Kaka KH Australia នៅពេលនេះ មិត្តក្នុងបណ្តាញសង្គម បានជូនពរពីចំងាយឲ្យម្តាយ និងទារក មានសុខភាពល្អផងដែរ។ អ្វីដែលពិសេស គ្រប់គ្នាសង្កេតឃើញថា ទាំង Kaka KH Australia ផ្ទាល់ និងស្វាមី គឺបង្ហាញទឹកមុខសប្បាយរីករាយយ៉ាងខ្លាំង ពេលទទួលបានសមាជិកថ្មីនៅពេលនេះ៕