(កូរ៉េ)៖ អ្នកលេងបណ្តាញសង្គមនៅកូរ៉េ បានពិភាក្សាគ្នាពីរឿងដែលកំពុងចាប់អារម្មណ៍មួយ ទាក់ទងនឹងវត្តមានរបស់តារា K-POP ល្បីៗ មានឥទ្ធិពលជាងគេក្នុងក្រុម អំឡុងពេលឡើងសម្តែងលើឆាកតន្រ្តីម្តងៗ។ បន្ទាប់ពីបានជជែកវែកញែក តាមបណ្តាញសង្គម ពួកគេបានរកឃើញតារាប្រុសស្រី១០រូប មានភាពលេចធ្លោរជាងគេ ក្នុងចំណោមសមាជិកទាំងអស់ក្នុងក្រុម។ នេះបើយោងតាមការដកស្រង់ ការចេញផ្សាយពីសារព័ត៌មាន Kpopstar នៅថ្ងៃទី ១២ ខែមិថុនា ឆ្នាំ២០២០។

ខាងក្រោមនេះ ជាតារាប្រុសស្រីដែលមានឥទ្ធិពល និងលេចធ្លោរជាងសមាជិកដទៃទៀតក្នុងក្រុម ពេលសម្តែងលើឆាក៖

ទី១៖ Kai សមាជិកក្រុម EXO, ក្រុមនាមជាអ្នករាំឈានមុខគេក្នុងក្រុម តារាប្រុសរូបនេះទទួលបានការចាប់អារម្មណ៍ យ៉ាងខ្លាំងពីមហាជន និងមានភាពលេចធ្លោរជាងគេរាល់ពេលសម្តែងលើឆាកតន្ត្រី។ Kai ស័ក្កិសមជាអ្នកសម្តែង ១០០% ជាមួយនឹងការផ្លាស់ប្តូរចលនានៃការរាំ ដោយអារម្មណ៍ មើលទៅធ្វើឲ្យទស្សនិកជនជក់ចិត្តតែម្តង។

ទី២៖ Jihyo សមាជិកក្រុម Twice, មេក្រុមរូបនេះដឹងពីរបៀប នៃការរក្សាការសម្តែងឲ្យនៅតែរស់រវើក និងធ្វើឲ្យអ្នកទស្សនារីករាយជាមួយជានិច្ច។ Jihyo តែងតែសម្តែងដោយមានថាមពល ទោះបីជាមិនទាន់ដល់វេននាង។ រាល់ការសម្ដែងលើឆាកតន្រ្តី នាងមិននៅស្ងៀមឡើយ ពោលគឺតែងតែបង្ហាញអ្វីមួយដល់អ្នកទស្សនា ទាំងនេះជាធម្មជាតិរបស់នាង។

ទី៣៖ Lisa សមាជិកក្រុម BLACKPINK, វាមិនមែនជារឿងភ្ញាក់ផ្អើលនោះទេ ព្រោះអ្នករាំដ៏សំខាន់ និងឈានមុខគេក្នុងក្រុម BLACKPINK រូបនេះគឺជាតារាស្រីមួយរូប ដែលជាប់ឈ្មោះក្នុងបញ្ជី អ្នករាំដ៏មានទេពកោសល្យបំផុត។ ជាការពិត Lisa គឺជាអ្នករាំដ៏លេចធ្លោរមួយរូប ក្នុងចំណោមសមាជិកក្នុងក្រុម ពេលសម្តែងនៅលើឆាក រហូតត្រូវបានជ្រើសរើសជាអ្នកណែនាំ ឬ Dance Mentor សម្រាប់កម្មវិធី «Youth With You» រដូវកាលទី២ នៅប្រទេសចិនទៀតផង។

ទី៤៖ Hwasa សមាជិក Mamamoo, នាងជាតារាស្រីមួយរូប ដែលនិយមស្ទីលសិចស៉ី និងទាក់ទាញយ៉ាងខ្លាំង។ ជានិច្ចកាល តែងតែនៅពីមុខកាមេរ៉ា ដោយមិន Make up។ Hwasa គឺជាតារាស្រីមួយរូប ក្នុងចំណោមតារាស្រី ដែលសិចស៉ីបំផុត ព្រោះទាំងក្នុងចម្រៀង និង រ៉េប នាងតែងតែបង្ហាញកាយវិការដ៏ទាក់ទាញ ធ្វើឲ្យគ្រប់គ្នាញាក់សាច់តែម្តង។

ទី៥៖ Lee Chaeyeon សមាជិក IZONE, នាងជាតារាស្រីដែលឈានមុខគេក្នុងក្រុម មានជំនាញផ្នែករាំយ៉ាងទាក់ទាញ។ មានសេចក្តីរាយការណ៍ជាច្រើនលើកថា នាងជាអ្នករាំដ៏ស្ទាត់ជំនាញប្រចាំក្រុម។

ទី៦៖ Yeji សមាជិកក្រុម ITZY, នៅពេលដែលនិយាយពីការរាំ មេក្រុម ITZY រូបនេះ ប្រៀបបានជាម្ចាស់ក្សត្រី។ ទោះបីជាស្ថិតក្នុងចង្វាក់ ឬស្ទីលអ្វីក៏ដោយ នាងតែងតែបង្ហាញភាពទាក់ទាញជានិច្ច។ រាល់ការបង្ហាញវត្តមានលើឆាក Yeji មើលទៅលេចធ្លោរជាខ្លាំង ទាំងរូបរាងដ៏ស្រឡូន និងទឹកមុខសិចស៉ី។

ទី៧៖ Hoshi សមាជិក SEVENTEEN, វាមិនមែនជារឿងចៃដន្យនោះទេ ដែល Hoshi បានក្លាយជាអ្នករាំដ៏ស្ទាត់ជំនាញ ស្ទើរមិនគួរឲ្យជឿ។ ទស្សនិកជនមើលឃើញថា លោកជាអ្នករាំដ៏ល្អឥតខ្ចោះមួយរូបក្នុងក្រុម SEVENTEEN។

ទី៨៖ Moonbin សមាជិកក្រុម ASTRO, តារាប្រុសរូបនេះ ទទួលបានប្រជាប្រិយភាពជាខ្លាំង។ មិនត្រឹមតែជាបុគ្គលដ៏អស្ចារ្យក្នុងក្រុមនោះទេ លោកថែមទាំងមានទេពកោលសល្យច្រៀង និងរាំយ៉ាងពិសេសផងដែរ។ Moonbin តែងតែពង្រាយមុនស្នេហ៍ ពីលើឆាកតន្ត្រីទៅកាន់ទស្សនិកជន ខុសពីតារាមួយចំនួន។ លោកបានបំបែកក្បាច់រាំដោយខ្លួនឯង ដោយទទួលបានការពេញចិត្តច្រើន ពីមហាជន។

ទី៩៖ G-Dragon, សម្រាប់មនុស្សភាគច្រើន នៅពេលនឹកទៅដល់ការសម្តែងរបស់តារា K-POP នៅលើឆាកតន្រ្តី G-Dragon ជាមនុស្សដំបូងដែលស្ថិតក្នុងការគិត របស់ទស្សនិកជន។

ទី១០៖ J-hope សមាជិក BTS, ជាការពិត វាជារឿងត្រឹមត្រូវតែមួយគត់ សម្រាប់មហាជន ដែលដាក់ពិន្ទុកទៅលើការសម្តែងរបស់សិល្បករ។ ជាក់ស្តែង រាល់ការសម្តែងរបស់ J-hope លោកមើលទៅពិតជាមានភាពជឿជាក់ជាខ្លាំង ប្រៀបបានពិភពលោកទាំងមូល គឺជារបស់លោក៕