(ភ្នំពេញ)៖ សម្រាប់ថ្ងៃទី១២ ខែកក្កដា ឆ្នាំ២០២០នេះ Fresh News Plus សូមលើកយកនូវគតិបណ្ឌិតថ្មីៗចំនួន ៥ មកបង្ហាញជូនទស្សនិកជន។

១៖ បើគ្មានការឈឺចាប់ ក៏គ្មានលទ្ធផលល្អដែរ (សុភាសិតចិន)។

២៖ បើអ្នកចង់បានលុយទៅធ្វើជំនួញទៅ កុំមកធ្វើនយោបាយ ពីព្រោះនយោបាយគឺសម្រាប់បម្រើប្រជាជនប៉ុណ្ណោះ (លោក ចូសេ មូជីកា អតីតប្រធានាធិបតីអ៊ុយរ៉ាហ្កាយ)។

៣៖ អ្នកប្រាជ្ញ ខុង ជឺ ពោលថា៖ ផែនដីស្ថិតនៅទាបជាងសព្វវត្ថុទាំងឡាយ តែបើជីកឲ្យកាន់តែជ្រៅវានឹងមានទឹកថ្លាឆ្វង់ បើកាលណាសាបព្រោះគ្រាប់ពូជដំណាំ វានឹងដុះលូតលាស់រុក្ខជាតិតូចធំចម្រើនធំធាត់ រីសព្វសត្វបក្សាបក្សីក៏អាចបង្កើតកូនពូនចៅនៅលើផែនដីបានដែរ អ្វីទាំងនេះកើតឡើងដោយសារផែនដី។ ចំណែកសេចក្តីស្លាប់ទាំងពូងសុទ្ធតែទម្លាក់ទៅឲ្យផែនដី ហើយផែនដីក៏ទទួលយកបានទាំងអស់ ដោយពុំមានពោលវាចារអួតអាងថា ខ្លួនវិសេសវិសាលអ្វីឡើយ។

៤៖ ភាពរឹងមាំរបស់កំពែងមួយ ក៏អាស្រ័យលើភាពក្លាហានរបស់អ្នកយាមកំពែងផងដែរ (អធិរាជម៉ុងហ្គោល សង់ ស៊ីខាន់)។

៥៖ កុំនិយាយថាអ្នកល្អ កុំនិយាយថាអ្នកស្មោះស មានតែពេលវេលាតែមួយគត់ដែលបង្ហាញអ្វីៗទាំងអស់នៅលើផែនដី (លឹម ជាវុត្ថា)។