(កណ្ដាល)៖ ដោយមានការគាំទ្រពីសំណាក់អតិថិជនទៅលើគុណភាព និងតម្លៃទំនិញ ផ្សារទំនើប AEON MaxValu បានពង្រីកប្រតិបត្តិការរបស់ខ្លួនដោយនឹងបើកដំណើរការសាខាទី១១របស់ខ្លួន (សាខាតាខ្មៅ) ជាផ្លូវការ នៅថ្ងៃទី ១៧ កក្កដា ២០២០។
ផ្សារទំនើប AEON MaxValu (សាខាតាខ្មៅ) បានបើកដំណើរការសាកល្បងកាលពីថ្ងៃទី១០ ខែមេសា ២០២០ កន្លងទៅប្រកបដោយភាពជោគជ័យ ដោយមានការគាំទ្រយ៉ាងច្រើនពីអតិថិជនដែលរស់នៅក្រុងតាខ្មៅ និងតំបន់ក្បែរនោះ។
ផ្សារទំនើប AEON MaxValu សាខាតាខ្មៅ នេះបានផ្តល់ភាពងាយស្រួលដល់ប្រជាជនដែលរស់នៅក្នុងតំបន់នោះ ក្នុងការទិញទំនិញប្រើប្រាស់ប្រចាំថ្ងៃជាច្រើនមុខដែលមានគុណភាព សុវត្ថិភាព និងតម្លៃសមរម្យ។
ផ្សារទំនើប AEON MaxValu ត្រូវបានបង្កើតឡើងដោយក្រុមហ៊ុន Aeon Cambodia ដែលមានផ្គត់ផ្គង់ប្រភេទទំនិញជាច្រើនមុខ។ ជាងនេះទៅទៀត AEON MaxValu សាខាតាខ្មៅមានផ្គត់ផ្គង់នូវប្រភេទ សាច់ បន្លែ ផ្លែឈើស្រស់ អាហារកក ទំនិញប្រើប្រាស់ប្រចាំថ្ងៃ ឧបករណ៍សម្អាតផ្ទះ សម្ភារ:ប្រើប្រាស់ក្មេង សម្ភារ:សិក្សា និងការិយាល័យ ឱសថស្ថានអ៊ីអន វែលណេស និងទំនិញផ្សេងៗជាច្រើនទៀត។
អាសយដ្ឋាន៖ ផ្ទះលេខ ៦៥០A ផ្លូវលេខ ២១B សង្កាត់តាខ្មៅ ខេត្តកណ្ដាល៕
