(ស្វាយរៀង)៖​ សប្តាហ៍នេះ ក្រុមចំនួន៦ បានយកជ័យជំនះ ដើម្បីបន្តទៅវគ្គ១៦ក្រុមចុងក្រោយ ក្រោយពីបានធ្វើការប្រកួតនៅថ្ងៃសៅរ៍ និងអាទិត្យ ក្រុមចំនួន១២បានប្រកួតរួចមានលទ្ធផលដូចខាងក្រោម៖
+ ការប្រកួតថ្ងៃសៅរ៍ ទី១៨ ខែកក្កដា ឆ្នាំ២០២០៖
- SKY SPORTS FT 5-1 ហនុមានមាសស្វាយធំ
- អធិការនគរបាលក្រុងបាវិត 3-3(PK:2-4) PANDA FC
- រមាសក្រហម 3-4 សសយក ស្រុកចន្រ្ទា
+ ការប្រកួតថ្ងៃអាទិត្យ ទី១៩ ខែកក្កដា ឆ្នាំ២០២០៖
- យុវជនពោធិ៍ថ្មី 4-2 សសយក ស្រុកកំពង់រោទិ៍
- ភូមិហ៊ីង 5-2 ពៅហូមស្ព័ត ហនុមាន FT
- THANKS AI CAMBODIA 0-2 ប្រាសាក់ ស្វាយរៀង
ដូចនេះ ក្រុមចំនួន៦នេះបានឡើងទៅវគ្គបន្ត មានក្រុមកីឡា SKY SPORT FT, ក្រុម Panda FC, ក្រុម សសយក ស្រុកចន្ទ្រា, ក្រុមយុវជនពោធិ៍ថ្មី, ក្រុម ភូមិហ៊ីង, ក្រុម ប្រាសាក់ ស្វាយរៀង។

ដោយឡែកវគ្គ៣២ក្រុមចុងក្រោយ នៅសល់ចំនួន៨ក្រុមកីឡាទៀត ដែលនឹងត្រូវប្រកួតនៅសប្តាហ៍ក្រោយ រក០៤ក្រុមឡើងទៅវគ្គបន្ត។

សូមបញ្ជាក់ថា ការចាប់ផ្តើមដំណើរការប្រកួតពានរង្វាន់ស្វាយរៀងខាប់ ឆ្នាំ២០២០ ឡើងវិញនេះ គឺក្រោយមានការអនុញ្ញាតិពីរាជរដ្ឋាភិបាល អោយការប្រកួតកីឡាដំណើរការជាជំហ៊ានៗ ដោយការប្រកួតស្វាយរៀងខាប់ ត្រូវអនុវត្តន៍តាមនីតិវិធីការពារសុវត្ថិភាពពីជំងឺកូវីដ១៩ ដូចជា ការរក្សាគំលាត ការវាស់កំដៅ និងបាញ់អាល់កុល ចំពោះកីឡាករ និងមន្ត្រីដែលពាក់ព័ន្ធទាំងអស់ មុនចូលបរិវេណទីលានប្រកួត។ មិនអនុញ្ញាតិអោយទស្សនិកជនចូលទស្សនា ហើយនៅក្នុងបរិវេណទីលានប្រកួតមិនអោយមានមនុស្សលើសពី៨០នាក់។

គួរំលឹងផងដែរថា ពានរង្វាន់ស្វាយរៀងខាប់ ត្រូវបានបង្កើតឡើងបាន៥រដូវកាល ចាបពីឆ្នាំ២០១៥ រហូតដល់បច្ចុប្បន្ន ដោយមានការផ្តួចផ្តើមពីសំណាក់ លោក ឌី វិជ្ជា អនុប្រធានសហភាពសហព័ន្ធយុវជនកម្ពុជា និងជាប្រធានសហភាពសហព័ន្ធយុវជនកម្ពុជា ខេត្តស្វាយរៀង។ ការរៀបចំពានរង្វាន់ស្វាយរៀងខាប់ នេះឡើង ក្នុងគោលបំណងបង្កើតអោយមានសកម្មភាពកីឡាដើម្បីជាប្រយោជន៍ដល់យុវជន មហាជន ក៏ដូចជាប្រជាពលរដ្ឋក្នុងខេត្ត មានឱកាសចូលរួមលេងកីឡា ដើម្បីសុខភាព មិត្តភាព និងសាមគ្គីភាព ជាសឆ្ងាយពីការប្រើប្រាស់គ្រឿងញៀន និងអំពើអបាយមុខផ្សេងៗ៕