(បរទេស)៖ បើតាមផលិតកម្ម YG បានឲ្យដឹង នៅថ្ងៃទី២៤ ខែកក្កដា ឆ្នាំ២០២០ នេះថា Youtube ផ្លូវការរបស់ក្រុមចម្រៀងនារី BLACKPINK មានចំនួនអ្នក Subcribe ផ្លូវការសរុប ៤២.៣ លាននាក់។ ចំនួននេះធ្វើឲ្យ BLACKPINK ក្លាយជាក្រុមចម្រៀងនារីមានអ្នក Subcribe ច្រើនបំផុតលើពិភពលោក វ៉ាដាច់ Ariana Grande & Taylor Swift។

ជាការកត់សម្គាល់ ក្រុម BLACKPINK ទើបតែទទួលបានអ្នក Subcirbe ច្រើនបំផុតលើ Youtube ក្នុងចំណោមក្រុមចម្រៀងនារី និងតារាចម្រៀងនារីលើពិភពលោក ពោលគឺវ៉ាដាច់​កំពូលតារាចម្រៀងល្បីៗ Ariana Grande, Taylor Swift, Katy Perry, Rihanna និងតារាចម្រៀងនារីផ្សេងទៀត។

ចំណុចនេះ បានធ្វើឲ្យ BLACKPINK លោតឡើងទៅ Top5 ក្នុងនាមតន្រ្តីករដែលមាន​អ្នក Subcribe ច្រើនបំផុតលើ Youtube ដូចជា៖

ទី១៖ តារាចម្រៀងប្រុស Justin Bieber មានចំនួនអ្នក Subcribe ៥៥.៥ លាននាក់។
ទី២៖ តារាប្រុស Marshmello មានចំនួនអ្នក Subcribe ៤៧.១ លាននាក់។
ទី៣៖ តារាប្រុស Ed Sheehan មានចំនួនអ្នក Subcribe ៤៥ លាននាក់។
ទី៤៖ តារាប្រុស Eminem មានចំនួនអ្នក Subcribe ៤៣.៥ លាននាក់។
ទី៥៖ ក្រុមចម្រៀងនារី BLACKPINK មានចំនួនអ្នក Subcribe ៤២.៣ លាននាក់៕