(អាមេរិក)÷ ក្រុមហ៊ុន Facebook Inc. កំពុងតែសាកល្បង និងគ្រោងឲ្យប្រើប្រាស់មុខងារថ្មី Chat នៅលើបណ្ដាញសង្គម Instagram និងអាច Chat ជាមួយ Facebook បានទៀតផង។

យោងតាមការចេញផ្សាយរបស់សារព័ត៌មាន Bloomberg នៅថ្ងៃទី១៧ ខែសីហា ឆ្នាំ២០២០ បានឲ្យដឹងថា ក្រុមហ៊ុន Facebook គ្រោងដាក់បញ្ចូលគ្នានូវមុខងារ Chat ដោយអនុញ្ញាតឱ្យអ្នកប្រើប្រាស់អាចធ្វើការ Chat ទៅវិញ ទៅមកបាន រវាង Instagram និង Facebook។

កាលពី ២ឆ្នាំមុន មានព័ត៌មានថា លោក Mark Zuckerberg មានផែនការណ៍ ដាក់រួមបញ្ចូលគ្នារវាងមុខងារ Chat ទាំងអស់ (Facebook, Instagram និង WhatsApp) ដើម្បីផ្ដល់ភាពងាយស្រួលដល់អ្នកប្រើប្រាស់។

គួរបញ្ជាក់ផងដែរថា បណ្ដាញសង្គមរូបភាព Instagram ត្រូវបាន Facebook ទិញកាលពីឆ្នាំ ២០១២ ក្នុងតម្លៃ ៧១៥លានដុល្លារអាមេរិក៕