(មេនឆេស្ទើ)៖ សមាជិកថ្មីនៃក្លិប Manchester United, Edinson Cavani ត្រូវបានគេរាយការណ៍ថា បានឆ្លងជំងឺ Covid-19 រួមជាមួយមិត្តស្រីផងដែរនៅអំឡុងទៅវិស្សមកាលនៅឯកោះ Ibiza នាប្រទេសអេស្ប៉ាញ។

តាមរយៈគេហទំព័រកីឡា Live Score បានចេញផ្សាយនៅថ្ងៃពុធ ទី០៧ ខែតុលា ឆ្នាំ២០២០ នេះថា Cavani រួមទាំងមិត្តស្រីរបស់គេបានធ្វើដំណើរទៅលេងនៅលើកោះ Ibiza ជាទីដែលអតីតមិត្តរួមក្រុម Neymar, Angel Di Maria, Leandro Paredes, Mauro Icardi, Keylor Navas និង Marquinhos ឆ្លងរោគខាងលើនេះផងដែរ នៅមុនពេលផ្ទេរមកកាន់ Man Utd។

ស្ថិតក្នុងវ័យ ៣៣ឆ្នាំទៅហើយ កីឡាករខ្សែប្រយុទ្ធអន្តរជាតិអ៊ុយរ៉ាហ្គាយ Cavani ពុំមានក្លិបចង់បានឡើយ ក្រោយពេលរូបគេផុតកិច្ចសន្យាជាមួយក្លិបបារាំង Paris Saint-Germain កាលពីខែមិថុនា ឆ្នាំ២០២០ ក្រៅពីបិសាចក្រហម Manchester United ដែលផ្តល់កិច្ចសន្យារយៈពេល ១ឆ្នាំ ជាមួយនឹងជម្រើសតបន្ថែមទៀតដែរ។

មុនមក Man Utd កីឡាករសក់វែងខាងលើនេះ ក៏បានចំណាយពេលធ្វើកសិកម្មជាមួយសាច់ញាតិនៅឯតំបន់ Salto នៅឯស្រុកកំណើតនៃប្រទេសអ៊ុយរ៉ាហ្គាយផងដែរ ក្នុងនាមជាអតីតកីឡាករល្បីលំដាប់ពិភពលោកមួយរូបទាំងក្នុងក្រុមជម្រើសជាតិ និងក្លិបធំៗមួយចំនួន៕