(ភ្នំពេញ)៖ មើលភ្លឹករំភើបអារម្មណ៍តែម្តង នៅពេលដែលបានឃើញតារាចម្រៀងល្បីប្រុសស្រី ពីរជំនាន់ខុសគ្នា មកសាងស្នាដៃក្នុងបទចម្រៀងតែមួយ គឺលោក ណូយ វ៉ាន់ណេត និងកញ្ញា ផន ស្រីខួច បកស្រាយ បទប្រពៃណីចង្វាក់ក្បាច់យ៉ាងសមសួន នៅក្នុង MV ថ្មីមួយដែលទើបនឹងចេញថ្មីៗនេះ។

បទចម្រៀងដែលមានចំណងជើងថា «អត្ថន័យព្រះរាជពិធីបុណ្យអុំទូក» តម្រូវទៅតាមរដូវកាលនៃ បុណ្យអុំទូក ដែលកំពុងមកដល់ តារាចម្រៀងទាំងពីរបានចេញ MV ថ្មីជាពិសេសមុនគេ ជាកាដូសម្រាប់អ្នកគាំទ្រ ក្នុងរដូវបុណ្យប្រពៃណីជាតិនេះ។

ទាក់ភ្នែកខ្លាំងណាស់ គ្រាន់តែមើលហើយរំភើបចិត្តតែម្តង ចំពោះការរៀបចំយ៉ាងល្អឥតខ្ចោះ សមគ្រប់យ៉ាងជាប្រពៃណីខ្មែរ ក្នុងវីដេអូបទចម្រៀងមួយបទនេះ។ រូបភាពបែបនេះហើយដែលអ្នក គាំទ្រតែងតែចង់ឃើញមិនចង់ឲ្យបាត់បង់ ទោះសម័យកាលផ្លាស់ប្តូរជឿនលឿនយ៉ាងណា ក៏មិនចោលបទបុរាណដែលជាវប្បធម៌ សិល្បៈតំណាងជាតិខ្មែរទាំងមូលរបស់យើងដែរ។

ទោះបីជាវ័យខុសគ្នាច្រើន និងជាតារាចម្រៀងល្បីខុសជំនាន់គ្នាមែនពិត តែអ្នកទាំងពីរនៅតែអាចច្រៀងរួមគ្នាបានយ៉ាងពីរោះរណ្តំ ស្តាប់ហើយចង់ស្តាប់ទៀត ជាពិសេសសម្រាប់ចង្វាក់ក្បាច់បែបនេះ គឺពិតជាស៊ីខ្លាំងជាមួយនឹងសំឡេងដ៏គ្រលួច បែបនេះបំផុត។

តោះចង់ដឹងច្បាស់ថា តើការរៀបចំទម្រង់ជាបែបប្រពៃណីនៅក្នុង MV បទ «អត្ថន័យព្រះរាជពិធីបុណ្យអុំទូក» របស់លោក ណូយ វ៉ាន់ណេត និងកញ្ញា ផន ស្រីខួច ស្រស់ស្អាត និងគួរឲ្យចង់ទស្សនាខ្លាំង យ៉ាងណានោះ មកតាមដានទាំងអស់គ្នា៖