(កូរ៉េ)៖ តារាចម្រៀងស្រីអតីតសមាជិកក្រុម 2NE1 កញ្ញា CL បានបង្ហាញខ្លួននៅកញ្ចក់ទូរស្សន៍ក្នុងស្រុកជាលេីកដំបូង បន្ទាប់ពីអាក់ខានអស់រយៈពេល៤ឆ្នាំ។ ការបង្ហាញខ្លួនរបស់នាង គឺតាមរយៈការចូលរួមជាភ្ញៀវកិត្តិយសនៅកម្មវិធី ផ្សាយផ្ទាល់ «Sketchbook» របស់ Yoo Hee Yeol ។ នេះបេីតាមការចេញផ្សាយរបស់សារព័ត៌មានកូរ៉េ all kpop នៅថ្ងៃទី៣១ ខែតុលា ឆ្នាំ២០២០។

ដេីម្បីជាការស្វាគមន៍អ្នកគាំទ្រ បន្ទាប់ពីរងចាំវត្តមានរបស់នាងក្នុងកញ្ចក់ទូរស្សន៍អស់រយះពេលជាច្រៀនឆ្នាំ តារាចម្រៀង CL បានបកស្រាយចម្រៀងថ្មីរបស់ខ្លួន ជាមួយការសម្តែងយ៉ាងទាក់ទាញ ក្នុងបទ "HWA", "THNX 190519"។ រួមជាមួយនឹងបទ Remix ចំណងជេីងថា "The Baddest Female" និង "Mental Breakdown" ថែមទៀត។

យ៉ាងណាមិញ តាមរយៈកិច្ចសម្ភាសន៍ជាមួយពិធីករ Yoo Hee Yeol តារាចម្រៀងល្បី CL បានបកស្រាយនូវពាក្យចចាមអារ៉ាមដែលថាការខកខានបង្ហាញមុខក្នុងទូរស្សន៍ដោយសារនាងទៅរស់នៅបរទេសនោះថា គឺមិនពិតនោះទេ។ CL ថា នាងមិនបានទៅរស់នៅបរទេសនោះទេ ហេីយនាងថែមទាំងមិនដឹងវប្បធម៌អាមេរិកទៀតផង ខណៈរាល់ការលេីកឡេីងកន្លងមកគ្រាន់តែជាការយល់ច្រឡំចំពោះនាងប៉ុណ្ណោះ។

ទោះយ៉ាងណា ក្តី តារាចម្រៀង CL មិនបានបញ្ជាក់បន្ថែមពីមូលហេតុនាំឲ្យនាងខកខានបង្ហាញវត្តមាននៅកញ្ចក់ទូរទស្សន៍ឡេីយ៕