(សេណេហ្គាល់)៖ អតីតកីឡាករខ្សែបម្រើសេណេហ្គាល់ Papa Bouba Diop ដែលបានរកគ្រាប់បាល់ដំបូង នៅក្នុងព្រឹត្តិការណ៍ World Cup ឆ្នាំ២០០២ ក្នុងការប្រកួតតទល់ជាមួយនឹងក្រុមបារាំងនោះ បានស្លាប់បាត់បង់ជីវិតហើយ ក្នុងវ័យ៤២ឆ្នាំ, នេះបើតាមការបញ្ជាក់ពីស្ថាប័ន FIFA ហើយត្រូវបានចុះផ្សាយ ដោយសារព័ត៌មាន CNA នាយប់ថ្ងៃទី៣០ ខែវិច្ឆិកា ឆ្នាំ២០២០នេះ។

FIFA មិនបានផ្តល់នូវព័ត៌មានលម្អិតនោះឡើយ ប៉ុន្តែប្រព័ន្ធផ្សព្វផ្សាយជាច្រើន បានចុះផ្សាយថា លោក Diop បានស្លាប់ បន្ទាប់ពីមានជំងឺប្រចាំកាយជាយូរមកហើយ។

អតីតកីឡាកររូបនេះ បានបង្ហាញខ្លួនចំនួន៦៣ដង សម្រាប់ក្រុមជម្រើសជាតិ នៃប្រទេសរបស់លោក ជាមួយនឹងការរកគ្រាប់បាល់បាន១១គ្រាប់៕