(ម៉ាឌ្រីដ)៖ កីឡាករខ្សែប្រយុទ្ធជួរមុខ Luis Suarez បានចូលរួមហ្វឹកហាត់ជាមួយមិត្តរួមក្រុម Atletico Madrid វិញ បន្ទាប់ពីតេស្តអវិជ្ជមាននៃជំងឹ Covid-19 នាពេលថ្មីៗនេះ។

ខ្សែប្រយុទ្ធអន្តរជាតិអ៊ុយរ៉ាហ្គាយ Suarez បានចូលហ្វឹកហាត់ជាមួយមិត្តរួមក្រុមវិញនៅរាត្រីថ្ងៃសុក្រនេះ បន្ទាប់ពីតេស្តអវិជ្ជមានវិញនៃជំងឺ Covid-19 ដែលត្រូវបានបញ្ជាក់ដោយក្លិប Atletico Madrid ដែលបានឆ្លងកាលពីខែមុន និងខកខាន ៤ប្រកួតផងដែរក្នុងក្លិប និងជម្រើសជាតិ ២ប្រកួតនៅតំបន់អាមេរិកឡាទីនថែមទៀតផង។

Luis Suarez ដែលមានវ័យ ៣៣ឆ្នាំ អាចនឹងត្រូវអ្នកចាត់ការទូទៅ Diego Simeone ដាក់ឲ្យចូលេងនៅពេល Atletico Madrid ទល់នឹងក្រុមភ្ញៀវ Real Valladolid ក្នុងក្របខណ្ឌ La Liga នារាត្រីថ្ងៃអាទិត្យចុងសប្តាហ៍នេះ។ Suarez រកបាន ៥គ្រាប់ពីការបង្ហាញខ្លួនបាន ៦ប្រកួតក្នុងលីគកំពូលអេស្ប៉ាញរដូវកាលនេះ ក្រោយផ្ទេរចេញពីក្លិបរួមលីគ FC Barcelona កាលពីកញ្ញា ឆ្នាំ២០២០៕