(ក្រុងតូរីន)៖ កីឡាករខ្សែបម្រើប្រយុទ្ធដាណឺម៉ាក Christian Eriksen នឹងចាកចេញពីក្លិប Inter Milan លេងនៅលីគកំពូល Serie A របស់អ៉ីតាលី ក្រោយពេលធ្វើមិនបានល្អក្នុងរយៈពេលជាង ១រដូវកាលមកនេះ។

Eriksen ដែលចូលលេងឲ្យ Inter Milan បាន៣៧៣នាទីកន្លងមកនេះ ពុំទាន់រកបានគ្រាប់ ក៏ដូចជាបញ្ជូនបាល់ក្នុងប្រកួតណាមួយបានឡើយនារដូវកាលនេះ ផ្ទុយទៅវិញរូបគេក៏បានអង្គុយនៅកៅអីបម្រុងក្នុងវគ្គផ្តាច់ព្រ័ត្រ UEFA Europa League ពេល Inter ចាញ់ Sevilla ថែមទៀតផង។

Inter Milan នឹងត្រូវបង់ប្រាក់ប្រមាណ ១៦.៩លានផោនទៅឲ្យក្លិបមាន់ខ្នាយមាស Tottenham Hotspur ជាថ្នូរនឹងការបញ្ជូន Eriksen មកលេងនៅ Premier League វិញ ក្រោមលក្ខខណ្ឌខ្ចីជើងនាពេលកន្លងមក។

ខ្សែបម្រើប្រយុទ្ធវ័យ ២៨ឆ្នាំ Christian Eriksen បានចូលលេងសរុប ៣៨ប្រកួតក្នុងក្លិប Inter Milan ដែលបានរកបាន ៤គ្រាប់ និងបញ្ជូនបាន ៣គ្រាប់ផងដែរ គិតចាប់តាំងពីបានចូលរួមជាមួយក្រុមដែលបានកំពុងឈរនៅចំណាត់ថ្នាក់លេខ២ នៅ Serie A រដូវកាលនេះនៃរដូវកាល ២០១៩-២០២០មក៕