(ភ្នំពេញ)៖ ជិតដាច់ឆ្នាំ២០២០ realme បានចូលមកក្នុងទីផ្សារកម្ពុជាជាង១ឆ្នាំ ជាមួយនឹងការទទួលបានលទ្ធផលល្អៗ ជាច្រើននៅក្នុងប្រទេសកម្ពុជា និងទីផ្សារដទៃ ជាច្រើននៅជុំវិញពិភពលោក និងសម្រេចបាននូវចំនួនលក់លំដាប់កំពូលទី៣ នៅក្នុងទីផ្សារជាច្រើន និងនៅក្នុងទីផ្សារខ្លះទៀតទទួលបានចំណាត់ថ្នាក់ទី១ទៀតផង។

ដើម្បីទុកជាការអរគុណដល់អ្នកប្រើប្រាស់នៅកម្ពុជាដែលតែងតែគាំទ្រ realme កន្លងមក realme បាននាំយកនូវភាពភ្ញាក់ផ្អើលចុងក្រោយមួយសម្រាប់ឆ្នាំ២០២០ គឺប្រូម៉ូសិនចុងឆ្នាំពី realme ទិញ១ ថែម៥ ។

នៅចុងឆ្នាំ២០២០នេះ ក៏មានម៉ាកស្មាតហ្វូនជាច្រើនបានដាក់ធ្វើការប្រូម៉ូសិន ហើយលើកនេះផងដែរ realme ក៏មានប្រូម៉ូសិនដ៏ធំមួយផងដែរ ជាមួយការថែមជូនដ៏ច្រើន រួមមាន៖ កាស ដបទឹក ដបទឹករក្សាកំដៅ ទម្រជើងទូរស័ព្ទ ម៉ាស៊ីនចំហាយទឹក និងកាតាបស្ពាយចំហៀងជាដើម អាចនិយាយបានថាពិតជាសម្បូរបែបជាងគេ។

អ្វីដែលគួរឱ្យភ្ញាក់ផ្អើលនោះ គឺនៅក្នុងកម្មវិធីប្រូម៉ូសិននេះ ក្រៅពីម៉ូឌែល Number series ក៏មាន realme C15 ដែលកំពុងពេញនិយមក្នុងទីផ្សារផងដែរ ដែលបានបង្ហាញឱ្យ ឃើញថា នេះជាកម្មវិធីប្រូម៉ូសិនដ៏ធំមួយផងដែរ។

កម្មវិធីនេះមានចាប់ពីថ្ងៃនេះ រហូតដល់ថ្ងៃទី១០ ខែមករា ឆ្នាំ២០២១ សម្រាប់ព័ត៌មានលំអិតសូមចូលទៅកាន់៖ https://bit.ly/2KHXTSo ៕