(ភ្នំពេញ)៖ ជាថ្មីម្តងទៀត តារាចម្រៀងប្រុសសំឡេងស្អកមានទឹកដម លោក ខេម ទើបតែបញ្ចេញបទចម្រៀងថ្មីមួយបទ បើកឆាកឆ្នាំថ្មី ឆ្នាំ២០២១ ក្រោមចំណងជើងថា «ស្ទាវឡានដឹកដី» ខណៈបទនេះត្រូវបានគេសង្កេតឃើញថា កំពុងតែទទួលបានការចាប់អារម្មណ៍ខ្លាំងពីមិត្តយុវវ័យ ជាពិសេសគឺតៃកុងឡានដឹកដីតែម្តង។
«ស្ទាវឡានដឹកដី» ត្រូវបានអ្នកគាំទ្រលោក ខេម ចាត់ទុកថា ជាបទចម្រៀងដំបូងស្វាគមន៍ឆ្នាំ២០២១ ដែលត្រូវបានបញ្ចេញក្នុងផលិតកម្ម Galaxy Navatra។ បទមួយនេះ គ្រាន់តែបញ្ចេញមកស្រាប់តែមាន Comment ជាបន្តបន្ទាប់ពីសំណាក់អ្នកគាំទ្រ ព្រោះវាមានសាច់ភ្លេងញាក់កន្ត្រាក់អារម្មណ៍ ត្រូវចិត្តតៃកុងឡានដឹកដី ចាក់ស្តាប់ពេញឡានភ្លាមៗតែម្តង ក្រោយបទនេះបញ្ចេញក្នុង Youtube។
គួរជម្រាបថា គ្រប់បទចម្រៀងរបស់លោក ខេម ដែលត្រូវបានបញ្ចេញក្នុងផលិតកម្ម Galaxy Navatra គឺសុទ្ធតែទទួលបានការគាំទ្រខ្លាំងពីមហាជន មិនថាជាបទចម្រៀងប្រភេទមនោសញ្ចេតនាកម្សត់ បទឆ្លងឆ្លើយជាមួយកញ្ញា តន់ ច័ន្ទសីម៉ា ឬបទញាក់កន្ត្រាក់អារម្មណ៍ឡើយ។
ចង់ដឹងថា បទថ្មីរបស់លោក ខេម មួយបទនេះ ពីរោះខ្លាំងយ៉ាងណានោះ សូមប្រិយមិត្តទស្សនិកជន សណ្ដាប់ទាំងអស់គ្នា៖
