(ភ្នំពេញ)៖ បើកទំព័រឆ្នាំថ្មី ២០២១នេះ ផលិតកម្មធំជាងគេក្នុងស្រុករបស់យើង គឺផលិតកម្មរស្មីហង្សមាស បានផលិតបទចម្រៀងមួយបទយ៉ាងពិសេស មានចំណងជើងថា «សួស្តីឆ្នាំសកល Happy New Year 2021» ជាកាដូឆ្នាំថ្មី សម្រាប់អ្នកគាំទ្រគ្រប់សណ្ឋានតែម្តង។

បទ «សួស្តីឆ្នាំសកល Happy New Year 2021» បានផលិតឡើងជាពិសេសស ម្រាប់អបអរឆ្នាំថ្មី តែមិនត្រឹមសម្រាប់តែជនជាតិខ្មែរតែប៉ុណ្ណោះទេ គឺឆ្លុះបញ្ចាំងពីភាពស្រស់ស្អាត សន្តិភាព និងភាពជាមិត្តទូទាំងសាកលលោកតែម្តង ដែលបានប្រមូលផ្តុំប្រជុំសុទ្ធតែតារាចម្រៀងល្បីៗមកជុំគ្នាធ្វើឲ្យអ្នកគាំទ្រមួយណា ក៏ពិបាកនឹងរំលងបទចម្រៀងមួយបទនេះដែរ។

ប្រិយមិត្តដែលបានស្តាប់ និងទស្សនាបទចម្រៀង មួយបទនេះ បានបញ្ចេញមតិគ្រាំទ្រយ៉ាងច្រើនលើសលុប ហើយសុទ្ធតែភ្ញាក់ផ្អើល នឹងសម្តែងការពេញចិត្តជាខ្លាំង ដែលអាយដលរបស់ពួកគេមកជួបជុំគ្នា បកស្រាយក្នុងបទចម្រៀងតែមួយដូចនេះ។

ចង់ដឹងថា បទ «សួស្តីឆ្នាំសកល Happy New Year 2021» មានលក្ខណៈពិសេស និងប្លែកយ៉ាងណានោះ សូមមកទស្សនាបទពេញទាំងអស់គ្នា៖