(មេនឆេស្ទើ)៖ ក្លិបបិសាចក្រហម Manchester United បានប្រកាសពីការទិញបានកីឡាករលេងក្នុងតំណែងបម្រើស្លាប Amad Diallo ដែលមានវ័យទើបតែ ១៨ឆ្នាំពីក្លិប Atalanta ក្រោមតម្លៃខ្លួន ៣៧លានផោន។

កីឡាករអន្តរជាតិកូឌីវ័រ Diallo បានព្រមព្រៀងចុះកិច្ចសន្យាលេងនៅទឹកដី Old Trafford រយៈពេល ៥ឆ្នាំ នេះបើយោងតាមការចេញផ្សាយដោយគេហទំព័រកីឡា BBC នៅថ្ងៃសុក្រ ទី០៨ ខែមករា ឆ្នាំ២០២១ នេះ។

Amad Diallo ដែលបានបង្ហាញខ្លួនក្នុងយុទ្ធនាការ UEFA Champions League ជាមួយ Atalanta បានក្លាយជាកីឡាករទី១ របស់ Man Utd ក្នុងរដូវកាលដោះដូរកីឡាករប្រចាំខែមករា ឆ្នាំថ្មីនេះ ដែលនឹងផុតសុពលភាពនៃកិច្ចសន្យានៅកីឡដ្ឋាន Old Trafford រហូតដល់ខែមិថុនា ឆ្នាំ២០២៥៕