(អាមេរិក)៖ នៅទីបំផុតលោក ចូ បៃដិន បានស្បថចូលកាន់តំណែង ជាប្រធានាធិបតីទី ៤៦របស់សហរដ្ឋអាមេរិកជាផ្លូវការហើយ នៅវេលាថ្ងៃត្រង់ថ្ងៃទី២០ ខែមករា ឆ្នាំ២០២១ (ម៉ោងនៅរដ្ឋធានីវ៉ាស៊ីនតោន) ត្រូវនឹងយប់ថ្ងៃពុធដដែល (ពេលវេលានៅភ្នំពេញ) ខណៈលោកស្រី កាម៉ាឡា ហារីស ក៏បានស្បថចូលកាន់តំណែង ជាអនុប្រធានាធិបតីរួចរាល់ផងដែរ។ ទន្ទឹមគ្នានេះ អ្នកគាំទ្រកំពូលតារាហូលីវូដ នាំគ្នាបង្ហាញក្តីរីករាយពេលឃើញតារាក្នុងដួងចិត្តរបស់ពួកគេ ត្រូវបានផ្តល់កិត្តិយស ឡើងច្រៀងដើម្បីអបអរសាទរក្នុងថ្ងៃពិសេស នៃការស្បថឡើងកាន់តំណែងរបស់លោក ចូ បៃដិន។

កំពូលតារាល្បីៗទាំងនោះរួមមាន តារាល្បីលោក Tom Hanks, តារាចម្រៀង Lady Gaga ច្រៀងចម្រៀងជាតិរបស់អាមេរិក, តារាចម្រៀង Jennifer Lopez ច្រៀងបទ «This Land Is You Land», តារាចម្រៀងប្រុស Garth Brooks បកស្រាយបទ «Amazing Grace», តារាចម្រៀងប្រុស Jon Bon Jovi សម្តែងបទ «Here come is sun», ក្រុមចម្រៀង Pumes សម្តែងបទ «Color», តារាចម្រៀង Ant Clemons និង Justin Timberlake ច្រៀងបទ «Better Day», តារាប្រុស John Legand សម្តែងបទ «Feeling Good», តារាចម្រៀង Tim McGraw និង Tyler Hubbard Perform សម្តែងបទ «Undivided» និង តារាចម្រៀង Kety Perry ច្រៀងបទ «Firework» រួមនឹងវត្តមានសម្តែងរបស់តារាល្បីជាច្រើនរូបទៀត។

គ្រប់តារាចម្រៀងដែលបង្ហាញវត្តមានសម្តែង និងច្រៀងទាំងអស់ ត្រូវបានគេមើលឃើញថា សុទ្ធតែបង្ហាញពីទឹកមុខញញឹមសប្បាយរីករាយ ក្នុងការឡើងកាត់តំណែងរបស់លោក ចូ បៃដិន ដោយលោក បានក្លាយជាប្រធានាធិបតីអាមេរិក មានវ័យចំណាស់បំផុតក្នុងប្រវត្តិសាស្ត្រ (៧៨ឆ្នាំ) ខណៈលោកស្រី កាម៉ាឡា ហារីស ក្លាយជាអនុប្រធានាធិបតីជាស្ត្រីដំបូងគេ និងជាជនជាតិដើមអាស៊ីខាងត្បូង-ស្បែកខ្មៅដំបូងផងដែរ ដែលឡើងកាន់តំណែងជាអនុប្រធានាធិបតីអាមេរិក នៅក្នុងប្រវត្តិសាស្ត្រដូចគ្នា។

ខាងក្រោមនេះ ជាវីដេអូចម្រៀងរបស់តារាល្បីៗខាងលើ៖