(ភ្នំពេញ)៖ ផលិតកម្ម Galaxy Navatra បានកំពុងតែសម្រុកបញ្ចេញអាល់ប៊ុម សម្រាប់ការកម្សាន្តនារដូវបុណ្យចូលឆ្នាំ ថ្មី ក្នុងនោះគេឃើញមានបទចម្រៀងរបស់កំពូលតារាចម្រៀងលោក ព្រាប សុវត្ថិ និង តន់ ចន្ទសីម៉ា មានបទច្រើនជាង គេហើយសុទ្ធតែទទួលបានការចាប់អារម្មណ៍ជាខ្លាំង។
បទចម្រៀងដែលកំពូលតារាចម្រៀងទាំងពីរខាងលើ បានចេញមានដល់ទៅ៥បទ ហើយសុទ្ធតែសឹងជាបទចម្រៀង ឆ្លងឆ្លើយបែបរាំសប្បាយ។ បទ «កាត់ឆុង» ជាបទដែល ព្រាប សុវត្ថិ និង តន់ ចន្ទសីម៉ា ច្រៀងរួមគ្នាជាលើកដំបូង បន្តបន្ទាប់ មានបទ «ប្រហុក»,បទ «រកស៊ីជាមួយយក្ស» , បទ « អរគុណកាមេរ៉ា» និង បទ «មាន់កម្សត់» ខណៈបទនីមួយៗគ្រាន់តែចេញភ្លាមអ្នកទស្សនារាប់លានដង។
តាមការបញ្ជាក់ពី លោក យឹម តាស្រង់ អ្នកចាត់ការទូទៅ ផលិតកម្ម Galaxy Navatra បានថ្លែងប្រាប់ Fresh News Plus ឲ្យដឹងថា ខាងផលិតកម្មកំពុងតែសម្រុកធ្វើបទចូលឆ្នាំថ្មី ឲ្យគ្រប់តារាចម្រៀងទាំងអស់នៅក្នុងផលិតកម្ម ហើយនឹង បញ្ចេញជារៀងរាល់ថ្ងៃ។
អ្នកដឹកនាំផលិតកម្មរូបនេះថ្លែងថា បន្ទាប់ពីបានប្រលែងបទចូលឆ្នាំប៉ុន្មានបទមកនេះ ឃើញថាកំពូលតារាចម្រៀង លោក ព្រាប សុវត្ថិ និង តន់ ចន្ទសីម៉ា គឺ ពិតជាដៃគូស័ក្តិសមបំផុត សម្រាប់បទចូលឆ្នាំក្នុងនោះដែល Galaxy មិនមែនមាន តែ៥បទនោះទេ ពោលតាមផែនការគឺយើងមានបទជាច្រើនទៀត សម្រាប់ឲ្យតារាចម្រៀងទាំងពីរនេះច្រៀង។
ចង់ដឹងថាទាំង៥បទ សម្រាប់អបអរចូលឆ្នាំរបស់កំពូលតារាចម្រៀង ព្រាប សុវត្ថិ និង តន់ ចន្ទសីម៉ា ពីរោះរណ្ដំយ៉ាងណា នោះស្ដាប់ ទាំងអស់គ្នា៖
*ទី១៖ បទ «កាត់ឆុង»
*ទី២៖ បទ «ប្រហុក»
*ទី៣៖ បទ «រកស៊ីជាមួយយក្ស»
*ទី៤៖ បទ «អរគុណកាមេរ៉ា»
*ទី៥៖ បទ «មាន់កម្សត់»
