(ម៉ាឌ្រីដ)៖ ការបាត់បង់ ៣ពិន្ទុពីសំណាក់ក្រុមកំពូលតារាងបច្ចុប្បន្ន Atletico Madrid ពេលចាញ់ម្ចាស់ផ្ទះ Atletic Bilbao ធ្វើឲ្យមាន ៤ក្រុមមានពិន្ទុប្រកៀកប្រកិតគ្នាក្នុងការប្រជែងយកពាន La Liga រដូវកាលនេះ។

Atletico Madrid បានរក្សា ៧៣ពិន្ទុដដែលពីតំណែងកំពូលតារាងលីគកំពូលអេស្ប៉ាញ La Liga របស់ពួកគេគិតត្រឹមសប្តាហ៍ទី៣៣ ជើងទី២ គ្រាដែល Real Madrid ឈរលេខ២ និងក្រុមលេខ៣ FC Barcelona មាន ៧១ពិន្ទុស្មើគ្នា និងខុសគ្នាតែ ១ពិន្ទុប៉ុណ្ណោះពីក្រុមលេខ៤ Sevilla។

ទាំង AT, Sevilla និងក្រុមការពារតំណែងជើងឯក Real Madrid សុទ្ធតែនៅសល់ ៥ប្រកួតដូចគ្នា លើកលែងតែ Barcelona នៅសល់ ៦ប្រកួតច្រើនជាងគេ ដែលទាមទារជ័យជម្នះដូចៗគ្នាផងដែរ។

FC Barcelona, Sevilla និង Atletico Madrid នៅសល់តែពាន La Liga ១គត់ដែលត្រូវប្រជែង ដ្បិត Real Madrid របស់លោក Zinedine Zidane នៅសល់ពាន UEFA Champions League ដែលត្រូវប៉ះតោខៀវ Chelsea របស់អង់គ្លេសក្នុងវគ្គពាក់កណ្តាលផ្តាច់ព្រ័ត្រជើងទី១ សប្តាហ៍នេះ ក៏ព្រោះតែពួកគេចង់ឈ្នះពានប្រចាំទ្វីបអឺរ៉ុបនេះជាលើកទី១៤ និងឈ្នះចុងក្រោយកាលឆ្នាំ២០១៨ នៅទីក្រុងកៀវ ប្រទេសអ៊ុយក្រែន៕