(ភ្នំពេញ)៖ ព្រឹត្តិការណ៍បាល់ទាត់លីគកំពូលកម្ពុជា ឆ្នាំ២០២១ នឹងវិលត្រឡប់មកវិញ ដើម្បីប្រកួតបញ្ចប់បង្រ្គប់សប្តាហ៍ទី២,៣,៦ នៅថ្ងៃទី០៦-០៧ ស្អែកនេះ ដោយមាន ៦ក្រុមចូលរួម។

ការប្រកួតបង្រ្គប់សប្តាហ៍ទី៦ សម្រាប់ការប្រកួតនៅថ្ងៃអង្គារ ទី០៦ ខែកក្កដាស្អែកនេះរួមមាន៖
១៖ ព្រះខ័នរាជស្វាយរៀង Vs អង្គរថាយហ្គឺរ។

ការប្រកួតបង្រ្គប់សប្តាហ៍ទី២,៣ សម្រាប់ការប្រកួតនៅថ្ងៃពុធ ទី០៧ ខែកក្កដារួមមាន៖
១៖ អាស៊ីអឺរ៉ុបយូណាយធីត Vs បឹងកេត
២៖ នគរបាលជាតិ Vs ណាហ្គាវើលដ៏។

សូមបញ្ជាក់ថា សម្រាប់ការប្រកួតពានរង្វាន់លីគកំពូលកម្ពុជាដើម្បីបង្រ្គប់សប្តាហ៍ទី២,៣,៦ ដែលពន្យារពេលដោយសារ COVID-19 នោះមានគូពិសេសនឹងត្រូវជួបគ្នាទៀតហើយរវាង ស្វាយរៀង ដែលឈរនៅចំណាត់ថ្នាក់លេខ៣ និងមាន៩ពិន្ទុ បើកទ្វារស្វាគមន៍ក្រុមភ្ញៀវអង្គរថាយហ្គឺរ ដែលឈរនៅកំពូលតារាងបណ្តោះអាសន្ន និងមាន ១៣ពិន្ទុនៅថ្ងៃអង្គារ ទី០៦ ខែកក្កដាស្អែកនេះ នៅក្នុងទឹកនៃកីឡដ្ឋានខេត្តស្វាយរៀងនាវេលាម៉ោង ៦៖០០នាទីល្ងាច៕