(កំពង់ស្ពឺ)៖ យុទ្ធនាការព្យាបាលដំបៅផែនដី, ស្រីអូន សម្រស់ធម្មជាតិ និងស្វាមី បានចាប់ផ្ដើម បាចគ្រាប់ពូជកូនឈើចម្រុះក្នុងជំហ៊ានដំបូង ៤០ម៉ឺនគ្រាប់ ដោយជិះ ឧទ្ធម្ភាគចក្រ ធ្វើឲ្យអ្នកគាំ ទ្រ មានការភ្ញាក់ផ្អើល និង បញ្ចេញអារម្មណ៍យ៉ាងរំភើបក្រៃលែង នៅក្នុងការផ្សាយផ្ទាល់តាមគណនីហ្វេសប៊ុក របស់ស្រីអូន ។
ជាមួយគ្នានេះផងដែរ គេសង្កេតមានវត្តមាន គណៈអធិបតីមន្ត្រីអាជ្ញាធរពាក់ព័ន្ធជាច្រើនរូប និង សិល្បករ សិល្បការិនី ក្នុង និងក្រៅផលិតកម្ម រាម ជាច្រើន បានចូលរួម ជាមួយ នឹង ព្រឹត្តិការណ៍ ដែលមិនធ្លាប់មានពីមុនមកនេះ ដោយជិះឧទ្ធម្ភាគចក្របាចគ្រាប់ពូជ ក្ងោក ពីលើ អាកាស កាលនៅថ្ងៃទី៩ ខែកក្កដា ឆ្នាំ២០២១ ត្រូវនឹងថ្ងៃទិវារុក្ខទិវាថ្នាក់ជាតិ។
ក្នុងនោះផងដែរ ស្រីអូន សម្រស់ធម្មជាតិ និង ស្វាមី ក៏បានលើកឡើងថា ខ្លួននិងស្វាមី មិនត្រឹមតែធ្វើការដាំចំនួន ៤០ម៉ឺនគ្រាប់នេះនោះទេ គឺអ្នកទាំងពីរនឹងបន្ដធ្វើរហូតទៅដល់ ១លានគ្រាប់នៅក្នុង ឆ្នាំ២០២១នេះ និងបន្តធ្វើបន្ថែមទៀតនៅឆ្នាំបន្តបន្ទាប់ ប្រសិនបើ ការ បាចលើកទី១នេះទទួលបានជោគជ័យដូចការរំពឹងទុក។
ជាមួយនឹងព្រឹត្តិការណ៍ដំបូងនេះ គេរពឹងទុកថាដើមក្ងោករាប់ម៉ឺនដើម នឹងមានវត្តមាន ហើយនឹងមានផ្ការីកស្គុះស្គាយនៅតាមជួរភ្នំឱរ៉ាល់ នៅប៉ុន្មានឆ្នាំខាងមុខ ដែលនឹង ប្រែក្លាយតំបន់ឪរ៉ាល់ ឲ្យក្លាយ ទៅជាតំបន់ ទេសចរណ៍ដ៏ទាក់ទាញសម្រាប់ភ្ញៀវទេសចរ៕
