(ភ្នំពេញ)៖ មហាជនផ្ទុះការចាប់អារម្មណ៍មិនតិចឡើយ ចំពោះកម្មវិធីផ្ទះខ្ញុំស្អាត របស់លំនៅឋានទីក្រុងរណបសិរីមង្គល! ផ្ទះដ៏ស្រស់ស្អាតនេះ គឺដូចវីឡាទំនើបនៅក្រៅប្រទេស ហើយមានតម្លៃត្រឹមតែក្រោម៣ម៉ឺនដុល្លារប៉ុណ្ណោះ។

គម្រោងលំនៅឋានតម្លៃសមរម្យ មានឈ្មោះថា «លំនៅឋានទីក្រុងរណបសិរីមង្គល» របស់ក្រុមហ៊ុនវើលប្រ៊ីដហូម (worldbridge homes) ដែលជាគម្រោងរបស់អ្នកឧកញ៉ា សៀ ឫទ្ធី កំពុងផ្ទុះការគាំទ្រយ៉ាងខ្លាំង បន្ទាប់ពីសាងសង់រហូតដល់ ចំនួន ២៤៥៧ នៅលើផ្ទៃដី ២៣ហិចតា។ នេះជាគម្រោងផ្ទះនៅលើផ្លូវជាតិលេខ ២១ក្នុងក្រុងតាខ្មៅ ដោយផ្តល់នូវលទ្ធភាពជូន ដល់ប្រជាពលរដ្ឋមានប្រាក់ចំណូលទាប និងមធ្យម ក្នុងការជាវ និងក្លាយជាម្ចាស់កម្មសិទ្ធិលើអចលនទ្រព្យ ដែលមានប័ណ្ណកម្មសិទ្ធិប្លង់រឹងពិតប្រាកដ។

ស្ថិតក្នុងតំបន់អភិវឌ្ឍន៍ខ្លាំងក៏ពិតមែន តែគម្រោងនៅតែបន្តក្នុងការលក់ជូនអតិថិជន ក្នុងតម្លៃពិសេសត្រឹមតែ ២៧,៥០០-៣០,០០០ លក្ខខណ្ឌបង់រំលស់គ្មានប្រាក់កក់ គ្មានការប្រាក់ ព្រមទាំងមានដៃគូផ្តល់កម្ចីបង់ផ្តាច់ដល់ទៅ៨៥% រយៈពេល២០ឆ្នាំ។ ការបង់រំលស់ប្រចាំខែ គ្មានការប្រាក់ពេលជាវភ្លាម គឺចាប់ផ្តើមពី ២៣០ដុល្លារតែប៉ុណ្ណោះ មានទាំងលំនៅឋានកំពុងសាងសង់ជិតរួចរាល់ និងលំនៅឋានចូលរស់នៅបានភ្លាមៗ។ បច្ចុប្បន្នក្រុមហ៊ុនបាននិងកំពុង ប្រគល់មគេហដ្ឋានជាបន្តបន្ទាប់ទៅអតិថិជន ដោយគិតត្រឹមខែសីហាឆ្នាំ២០២១ នេះអតិថិជនជាង១ពាន់គ្រួសារហើយ បាននិងកំពុងរស់នៅក្នុងគម្រោង ហើយការប្រគល់គេហដ្ឋាននឹងបន្តតាមផែនការ។

ដើម្បីលើកកំពស់សុខមាលភាព សោភ័ណភាព សណ្តាប់ធ្នាប់ និងភាពថ្លៃថ្នូររបស់អតិថិជនដែលចូលរស់នៅហើយ ថ្មីៗនេះក្រុមហ៊ុនបានដាក់ចេញជា កម្មវិធីប្រកួត «ផ្ទះខ្ញុំស្អាត» ដែលអតិថិជនបានរស់នៅ មានឱកាសក្នុងការបង្ហាញភាពស្រស់ស្អាត និងគំនិតឆ្នៃប្រឌិតផ្ទាល់ក្នុងការតុបតែង ផ្ទះរបស់ខ្លួន ដើម្បីយកជ័យលាភីមានរង្វាន់ជាសាច់ប្រាក់ សរុបរហូតដល់២០លានរៀល ដែលក្នុងនោះ ជយលាភីលេខ១ នឹងទទួលបាន ៨លានរៀន លេខ២ទទួលបាន ៦លានរៀល លេខ៣ចំនួន៤លានរៀល និងរង្វាន់លួងចិត្តជាច្រើនទៀត។ បេក្ខជន បេក្ខនារី ដែលបានចូលរួមប្រកួតបានធ្វើឲ្យមានការភ្ញាក់ផ្អើលកក្រើក ពេញបណ្តាញសង្គម Facebook ដោយមានការ Share តៗគ្នាសរសើរមិនដាច់ពីមាត់ថា លំនៅឋានតម្លៃសមរម្យក្រោម៣ម៉ឺនដុល្លារសោះ តែរៀបចំទៅស្អាតដូចវីឡាទំនើប ដូចខុនដូរ ឬដូចនៅបរទេសជាដើម!។

អ្នកស្រី សារុំម សុមនា ប្រធានគ្រប់គ្រងការិយាល័យលក់ និងជាអ្នករៀបចំកម្មវិធីបានបញ្ជាក់ឲ្យដឹងថា ការប្រកួតមានចំនួន៣វគ្គ ទីមួយគឺប្រកួតរូបថត ទីពីរប្រកួតវីដេអូ និងវគ្គផ្តាច់ព្រ័ត្ត សម្រាប់ពិន្ទុ គឺការបោះឆ្នោតដោយសាធារណជន លើបណ្តាញសង្គម Facebook ត្រូវបានឲ្យតម្លៃ ៧០%សម្រាប់វគ្គ១ និងវគ្គ២ ហើយ៣០%ទៀត គឺកំណត់ដោយគណៈកម្មាការ។ ចំពោះការប្រកួតនេះ ក្រុមហ៊ុនបានទទួលនូវការគាំទ្រ ជាផ្លូវពីអគ្គនាយកដ្ឋានលំនៅឋាន នៃក្រសួងរៀបចំដែនដីនគររូបនីយកម្ម និងសំណង់ គណៈអភិបាលក្រុងតាខ្មៅ និងសង្កាត់រការខ្ពស់ ក្នុងការមកធ្វើជាប្រធានគណៈកម្មការ និងសមាជិកគណៈកម្មការ ដើម្បីផ្តល់ពិន្ទុ និងភាពសុក្រឹត្យ ជាមួយតម្លាភាពជូនដល់បេក្ខភាពប្រកួតគ្រប់ៗរូប។ នៅវគ្គមួយនេះ គណកម្មការបានដាក់ពិន្ទុរួចហើយ ជូនបេក្ខភាពយើង ដើម្បីយកពិន្ទុសន្សំសម្រាប់វគ្គពីរ និងឡើងទៅវគ្គផ្តាច់ព្រ័ត្ត។

សូមប្រិយមិត្តទាំងអស់ចូលទៅ Facebook Page Worldbridge Homes ហើយចូលរួម Like/Share ដើម្បីលើកទឹកចិត្ត និងផ្តល់ការគាំទ្រទៅបេក្ខភាពទាំង៨នាក់របស់យើង ដែលកំពុងប្រកួតយ៉ាងស្វិតស្វាញ ក្នុងវិញ្ញាសារវីដេអូ។ បើសិនបងប្អូនមានចំណាប់អារម្មណ៍ ចង់ក្លាយជាម្ចាស់ផ្ទះអាចទាក់ទងមកការិយាល័យលក់ផ្ទាល់ ក៏បានឬតាមលេខទូរស័ព្ទ ០៧០ ៩០៥ ៣៣៣ / ០៧០ ៩០៦ ៣៣៣ / ០៧០ ៩០៧ ៣៣៣ បានជារៀងរាល់ថ្ងៃ ដើម្បីជាវក្នុងតម្លៃពិសេស និងលក្ខខណ្ឌរំលស់ ដូចបានរៀបរាប់ខាងលើ៕