(អ៊ីស្តង់ប៊ុល)៖ ក្រុមទ័ពក្លិប Chelsea ទាំងកីឡាករ និងគ្រូបង្វឹកមាន ខ្សែបម្រើ Jorginho បានឈ្នះពានកីឡាករល្អប្រចាំឆ្នាំ Men’s Player of The Year 2020-21 ជាមួយគ្រូបង្វឹក លោក Thomas Tuchel បានឈ្នះពាន UEFA Men's Coach of the Year ខណៈពានកីឡាការិនីឆ្នើមបានទៅលើ Alexia Putellas របស់ក្លិប FC Barcelona រួមជាមួយគ្រូបង្វឹកឈ្នះពាន UEFA Women’s Coach of the Year។ នេះបើតាមការចេញផ្សាយដោយស្ថាប័ន UEFA នាថ្ងៃទី២៧ ខែសីហា ឆ្នាំ២០២១។

ការប្រកាសនេះត្រូវបានធ្វើឡើងនៅប្រទេសតួគី ក្នុងពេលចាប់ឆ្នោតចែកពូលពានរង្វាន់ UEFA Champions League រដូវកាល ២០២១-២០២២ ដែលក្រុមការពារជើងឯក Chelsea ស្ថិតក្នុងពូល H ជាមួយក្រុម Juventus, Zenit St Petersburg និង Malmo FF។ ក្នុងនោះដែរ Chelsea មានសមាជិក ២រូបបានឈ្នះពានបុគ្គលឆ្នើមប្រចាំឆ្នាំពី UEFA រួមមានខ្សែប្រយុទ្ធ Jorginho និងគ្រូ Thomas Tuchel។

មុនឈានដល់ការកាន់ពាន UEFA Men's Player of the Year ខ្សែបម្រើសញ្ជាតិអ៉ីតាលី Jorginho ត្រូវបានស្ថាប័ន UEFA បង្ហាញថា រូបគេពិតជាធ្វើបានល្អដោយបានជួយក្រុមជម្រើសជាតិឈ្នះពាន Euro 2020 និងជួយក្រុមអាជីពឈ្នះពាន Champions League កាលពីរដូវកាលមុន ដែលក្នុងបេក្ខភាព ៣មានមិត្តរួមក្រុម N’Golo Kante និង Kevin De Bruyne ជ្រើសប្រជែងតំណែងនេះ។

ពាន UEFA Men's Coach of the Year ដែលគ្រូបង្វឹក Thomas Tuchel ទទួលបាននោះ បន្ទាប់ពីធ្វើបានកំណត់ត្រាល្អ ក្រោយចូលកាន់ក្រុម Chelsea នៅពាក់កណ្តាលរដូវកាលដោយឈ្នះពាន Champions League ជាលើកទី២ និងពានបើរដូវកាល Super Cup ដែលការស្ទង់មតិ លោកទទួលបាន ៣៧៨ពិន្ទុច្រើនជាងលោក Roberto Mancini រកបាន ២៩២ពិន្ទុ ដ្បិតឈ្នះពាន Euro 2020 ក៏ដោយនោះ នៅពេលដែលលោក Pep Guardiola ទទួលបាន ១៩៨ពិន្ទុ៕

នៅពេលដែលពានផ្នែកគ្រូបង្វឹកស្ត្រីនិងកីឡាការិនី ដោយក្នុងនោះពាន UEFA Women’s Coach of the Year បានទៅលើកលោក LIuis Cortes គ្រូវបង្វឹកស្រ្តីក្រុម FC Barcelona និងពាន UEFA Women’s Player of the Year ក៏បានទៅកីឡាការិនី Alexia Putellas ស្ថិតក្នុងក្រុមតែមួយផងដែរ៕