(ម៉ាឌ្រីដ)៖ ក្លិបអេស្ប៉ាញ Real Madrid និងជិតបានសម្រេចកិច្ចព្រមព្រៀងជាមួយក្លិ Rennes ក្នុងតម្លៃប្រមាណ ៣៥លានដុល្លារក្នុងការទិញខ្សែបម្រើប្រយុទ្ធវ័យ ១៨ឆ្នាំសញ្ជាតិបារាំង Eduardo Camavinga ដែលមានកិច្ចសន្យារយៈពេល ៥ឆ្នាំ។ នេះបើតាមការចេញផ្សាយដោយ ESPN នាថ្ងៃទី៣១ ខែសីហា ឆ្នាំ២០២១។

ក្លិប Real Madrid បានដើចេញពីការដេញថ្លៃជាមួយក្លិប PSG ក្នុងទិញ Mbappe ប៉ុន្តែក្លិបអេស្ប៉ាញ បានសម្រេចកិច្ចសន្យាជាមួយ Eduardo Camavinga ដែលរូបគេនៅសល់កិច្ចសន្យា ១ឆ្នាំទៀតជាមួយក្លិប Rennes ស្ថិតក្នុងលីគបារាំង Ligue 1 ហើយរូបគេនិងពិនិត្យសុខភាពនៅថ្ងៃអង្ការនេះនៅទីតាំង Clairefontaine ដែលជាកន្លែងហ្វឹកហាត់សម្រាប់ក្រុមជម្រើសបារាំង U21។

ហើយកិច្ចព្រមព្រៀងនិងធ្វើឡើងនាថ្ងៃទី៣១ ខែសីហានេះ ខណៈដែលក្លិប Rennes មិនចង់ឲ្យរូបគេចាក់ចេញដោយគ្មានតម្លៃផ្ទេរនោះទេ នៅរដូវកាលក្រោយ ហើយបានបង្ហាញថាពេញចិត្តនិងកិច្ចព្រមព្រៀងនេះ។

ប្រភពខាងលើបន្តថា ក្លិប Real Madrid ជាក្លិបមានការចាប់អារម្មណ៍លើ Camavinga ជាច្រើនរដូវកាលមកហើយចំពោះអតីតអ្នកចាត់ការលោក Zinedine Zidane តាំងពីរូបគេបានបង្ហាញខ្លួននៅលីគ Ligue 1 លើកដំបូងក្នុងវ័យ ១៦ឆ្នាំ នៅពេលដែលរូបគេជាគោលដៅរបស់ក្លិប Liverpool, Chelsea, Manchester United និង Borussia Dortmund បន្ទាប់ពី PSG ផងដែរ៕