(វ៉ាសរ)៖ ការតាមស្មើ ១-១ នៅនាទី៩០+២ របស់ក្រុមម្ចាស់ផ្ទះប៉ូឡូញ បានធ្វើឲ្យអង់គ្លេសខកខានឱកាសរកបាន ៣ពិន្ទុលើកដំបូងពីការប្រកួតជម្រុះ World Cup 2022 ប្រចាំពូល I របស់ក្រុមតោកំណាចអង់គ្លេសនៅរាត្រីឆ្លងចូលថ្ងៃព្រហស្បតិ៍ ទី០៩ ខែសីហា ឆ្នាំ២០២១ (ម៉ោងនៅកម្ពុជា)។

ខ្សែប្រយុទ្ធ Harry Kane ជាអ្នករកបានគ្រាប់នាំមុខឲ្យអង់គ្លេសនៅនាទី៧២ នៅមុនពេល Szymanski រកបានគ្រាប់តាមស្មើ ១-១ នៅនាទី៩០+២ ដើម្បីបង្អាក់តោកំណាចដែលបានបាត់បង់ ៣ពិន្ទុដំបូងពីការជម្រុះតំបន់អឺរ៉ុប ប្រចាំពូល I នៃក្រុមរបស់លោក Gareth Southgate។

យ៉ាងនេះក្តៅ ក្រុងរងជើងឯក Euro 2020 នៅតែបន្តនាំមុខកំពូលតារាងប្រចាំពូល I ចំនួន ៤ពិន្ទុដដែល ដ្បិតការប្រកួតនៅសល់ ៤លើកទៀតក៏ដោយ ក្នុងដំណើរស្វែងរកកៅអីទៅប្រទេសកាតាឆ្នាំក្រោយនេះ។

ចំណែកឯប៉ូឡូញ ដែលឆក់យក ១ពិន្ទុវិញពីអង់គ្លេសនៅពីមុខអ្នកគាំទ្រជិត ៦ម៉ឺននាក់នោះ ក៏បន្តដេញបានតាមពីក្រោយអង់គ្លេស ៥ពិន្ទុដដែលក្នុងចំណោម ១១ពិន្ទុសរុប និងចាញ់ក្រុមលេខ២ អាល់បានី ១ពិន្ទុក្នុងចំណោម ៦ក្រុមប្រចាំពូល I រួមមានអង់គ្លេស អាល់បានី ប៉ូឡូញ ហុងគ្រី អង់ដូរ៉ា និងសាំម៉ារ៉ាំង៕