(ឡេសស្ទឺរ)៖ បុរសចំនួន៩នាក់ ត្រូវបានចាប់ខ្លួន បន្ទាប់ពីមានសេចក្តីរាយការណ៍ ពីអំពើហិង្សារវាងអ្នកគាំទ្រ នៃក្លិបបាល់ទាត់ Leicester City និងក្លិប Napoli នៅអំឡុងពេលការប្រកួតជម្រុះក្នុងពូល C លីគ Europa League របស់ពួកគេ នាថ្ងៃព្រហស្បតិ៍, នេះបើតាមការបញ្ជាក់ពីប៉ូលិសតំបន់ Leicestershire ហើយត្រូវបានចុះផ្សាយដោយសារព័ត៌មាន CNA នាយប់ថ្ងៃទី១៧ ខែតុលា ឆ្នាំ២០២១នេះ។

banner

«បុរសចំនួនចំនួន៨នាក់ ត្រូវបានគេបញ្ជាក់អត្តសញ្ញាណថា ជាអ្នកគាំទ្រក្លិប Napoli, ត្រូវបានចាប់ខ្លួន ដែលពាក់ព័ន្ធនឹង នៅក្នុងហេតុការណ៍។ ក្រោយការសាកសួរបន្ថែម, បុរសវ័យ២៧ឆ្នាំម្នាក់ មកពីក្លិប Leicester ត្រូវបានចាប់ខ្លួន ដោយសង្ស័យពីបទប្រើប្រាស់អំពើហិង្សា»។ នេះបើតាមការបញ្ជាក់ពីប៉ូលិស។

ប៉ូលិសបន្ថែមថា «បុរសទាំងអស់ នៅតែបន្តឃុំខ្លួននៅមន្ទីរឃុំឃាំង នាពេលនេះ», ។

Napoli បានវាយបកវិញ ដើម្បីទទួលបានលទ្ធផលស្មើ២-២ នៅលើទឹកដីក្រុម Leicester បន្ទាប់ពីខ្សែប្រយុទ្ធ Victor Osimhen បានស៊ុតបាល់បញ្ចូលទី ក្នុងតង់ទី២។

ប៉ូលីសបានបន្ថែមថា វត្ថុជាច្រើន ត្រូវបានអ្នកគាំទ្រក្លិបទាំងពីរ គប់ដាក់គ្នាទៅវិញទៅមក រហូតដល់ចប់ការប្រកួត៕