(ភ្នំពេញ)៖ បុណ្យភូមិសៀមរាបចាប់ផ្ដើមហើយ! ក្រៅពីការរាំលេងសប្បាយជាមួយ កំពូលតារាចម្រៀង Cam.pop Galaxy Navatra កញ្ញា តន់ ចន្ទសីម៉ា ជាង១០០បទ ពុកម៉ែបងប្អូនអាចទស្សនាទម្រង់សិល្បៈបុរាណជាច្រើនមុខ ព្រមទាំងភ្លក្សមុខម្ហូបអ្នកខេត្តសៀមរាប ទាំង១២ស្រុក ដោយឥតគិតថ្លៃ នៅថ្ងៃទី៣១ ខែធ្នូ ឆ្នាំ២០២១ខាងមុខនេះ។

បច្ចុប្បន្នក្រុមការងារកំពុងតែសម្រុករៀបចំឆាក រៀបចំទម្រង់សិល្បៈបុរាណជាច្រើនមុខ ដើម្បីទទួលស្វាគមន៍ពុកម៉ែបងប្អូន ដែលអញ្ជើញមកទស្សនាពិធី «បុណ្យភូមិសៀមរាប»។ តាមការបញ្ជាក់ពីលោក អាចារ្យធំ អ្នកទទួលបន្ទុកផ្នែករៀបចំ ទម្រង់សិល្បៈបូរាណខ្មែរនៃពិធីបុណ្យនោះ បានឲ្យដឹងថា លោកបានរៀបចំជា៨ទម្រង់ ក្នុងនោះមាន ទី១,ស្លៀកពាក់បុរាណ សម័យលង្វែក សម័យអង្គរ។ ទី២, ការបង្ហាញ សត្រាវុធបុរាណខ្មែរ។ ទី៣, ការបង្ហាញ ចម្លាក់ស្បែកធំ។ ទី៤, សាក់យ័ន្តបុរាណខ្មែរ។ ទី៥,ការបង្ហាញធ្នូរខ្មែរ ទី៦,ឆៃយ៉ាំ ទី៧ស្គរដៃ និង៨ របាំបុរាណ។

តាមការវាយតម្លៃក្រៅផ្លូវការ បុណ្យភូមិសៀមរាប និងមានមនុស្សមកទស្សនាច្រើនម៉ឺននាក់ ព្រោះម្នាក់ៗចង់ឃើញ ការឡើងច្រៀងជាលើកដំបូង របស់កំពូលតារាចម្រៀង Cam.pop Galaxy Navatra កញ្ញា តន់ ចន្ទសីម៉ា ត្បិតអីតារាចម្រៀងស្រីរូបនេះ មិនធ្លាប់ឡើងឆាកតន្ត្រីឡើយ។ ជាងនេះទៅទៀត ពុកម៉ែបងប្អូនក៏ចង់ដឹង ចង់ទិញ ពីការប្រម៉ូសិន ដីឡូត៍ និងផ្ទះអាជីវកម្ម ផ្ទះលំហែ ក្នុងគម្រោងឡូតិ៍រីសតរបស់អ្នកឧកញ៉ា ឡេង ណាវ៉ាត្រា ដែលក្រុមហ៊ុនប្រកាសបើកលក់នៅថ្ងៃនោះផងដែរ។

ងាកមកមើលគម្រោងឡូតិ៍រីសត គម្រោងឡូតិ៍រីសត របស់អ្នកឧកញ៉ា ឡេង ណាវ៉ាត្រា ខេត្តសៀមរាបវិញ អ្នកឧកញ៉ាបានវិនិយោគលើតំបន់មានសក្ដានុពលខ្លាំងជាច្រើនរយហិតា ក្នុងនោះមានទេសភាពភ្នំហ៊ុព័ទ្ធជុំវិញ រីសត ដីជាប់មាត់ស្ទឹងសងខាងហ៊ុព័ទ្ធ តំបន់ជាច្រើនជុំវិញ។

ដីឡូតិ៍មានតម្លៃចាប់ពី៩៥០ ដុល្លារឡើងទៅ ដោយបង់រំលោះត្រឹមតែ៣០ ដុល្លារក្នុង១ខែ។ ដីមានទំហ៊ុ 5m x 20m, 20m x 30mនៅជាប់មាត់ស្ទឹង។ លើសពីនោះទៅទៀត គម្រោងរបស់អ្នកឧកញ៉ា ក៏មានលក់ផ្ទះលំហែ ជាប្រភេទវីឡា វិស្សមកាលដែលមានទំហ៊ុដី 20 x30 តម្លៃត្រឹមតែ ៦៨០០០ដុល្លារ ប៉ុណ្ណោះ។

ដូចដែលបានជម្រាបជូនខាងលើ សូមបងប្អូនកុំភ្លេចទី ៣១ ខែធ្នូ ឆ្នាំ២០២១នេះ កម្មវិធីចាប់ពីម៉ោង ១១៖០០នាទីព្រឹក ដល់ម៉ោង ៦៖០០នាទីល្ងាច លើទីតាំងគម្រោងអភិវឌ្ឍន៍ដីឡូតិ៍ លំនៅដ្ឋាន ឡេង ណាវ៉ាត្រា ស្រុកបន្ទាយស្រី។ កម្មវិធីក៏មានការផ្សាយផ្ទាល់ តាមកញ្ចក់ទូរទស្សន៍អាស៊ីអាគ្នេយ៍ផងដែរ៕