(ភ្នំពេញ)៖ ជាមោទនភាពនៃប្រជាជាតិកម្ពុជា ដែលមានរោងចក្រដំឡើងកង់បី អគ្គិសនី អនៀន ធីវ័ន នៅកម្ពុជា, ក្រុមហ៊ុន អនៀន ម៉ូប៊ីលីធី បានបើកសម្ពោធជាផ្លូវការ ស្ថានីយអនៀន ម៉ូប៊ីលីធី ដែលស្ថិតនៅដងផ្លូវ១៩៨៦ ខណ្ឌសែនសុខ រាជធានីភ្នំពេញ នាល្ងាចថ្ងៃទី១៧ ខែមីនា ឆ្នាំ២០២២។

ជាមួយចក្ខុវិស័យ និងទស្សនៈវែងឆ្ងាយ ដើម្បីជួយលើកកម្ពស់ជីវភាពរបស់អ្នកបើកបរកង់បី TADA នៅកម្ពុជា ឲ្យកាន់តែប្រសើរឡើង និងដើម្បីលើកកម្ពស់សោភណ្ឌភាពទីក្រុងភ្នំពេញ និងប្រទេសកម្ពុជា ឲ្យកាន់តែស្រស់បំព្រង ជាមួយការបង្ហាញវត្តមាន កង់បីអគ្គិសនីរបស់ខ្មែរ លើដងផ្លូវជាសាធារណៈ ដែលមិនបញ្ចេញផ្សែងបំពុលដល់បរិស្ថាន ក្រុមហ៊ុន អនៀន ម៉ូប៊ីលីធី បានបើកសម្ពោធជាផ្លូវការ ស្ថានីយអនៀន ម៉ូប៊ីលីធី។

ពិធីនេះ មានការអញ្ជើញចូលរួមពីលោក ពៅ ម៉ាលី រដ្ឋលេខាធិការ នៃក្រសួងសាធារណការ និងដឹកជញ្ជូន, នាយកប្រតិបត្តិនៃធនាគារ ស៊ិន ហាន នៅកម្ពុជា, លោក ណាំស៊ូ គីម (Mr. Namsoo Kim) ស្ថាបនិក និងនាយកប្រតិបត្តិ នៃ ក្រុមហ៊ុន អនៀន ម៉ូប៊ីលីធី លោក Kay Woo ភ្ញៀវជាតិ និងអន្តរជាតិ ក្រុមហ៊ុនដៃគូសហការ និងភ្ញៀវអ្នកមុខអ្នកការ សំខាន់ៗជាច្រើននាក់។

គួរបញ្ជាក់ផងដែរថា ស្ថានីយ អនៀន ម៉ូប៊ីលីធី គឺជាស្ថានីយ ដែលមានតួនាទីសំខាន់ៗ មួយចំនួនដូចជា៖

១៖ ជាសាលតាំងបង្ហាញកង់បីអគ្គិសនី
២៖ សេវាផ្តល់ការបើកបរសាកល្បងកង់បីអគ្គិសនីអនៀន ធីវ័ន
៣៖ សេវាកម្មជុសជុល និង ថែទាំ
៤៖ ជាស្ថានីយប្តូរអាគុយ និងសាកអាគុយ។

លោក ពៅ ម៉ាលី បានថ្លែងក្នុងកម្មវិធីថា «ខ្ញុំពិតជាមានអារម្មណ៍រីករាយ នៅពេលខ្ញុំបានឃើញសមិទ្ធិផល កង់បីអគ្គិសនី អនៀន ធីវ័នរបស់ខ្មែរ ជាច្រើនគ្រឿង បានដាក់ឲ្យចរាចរណ៍នៅទីក្រុងភ្នំពេញ អមជាមួយស្ថានីយនៅខណ្ឌសែនសុខ នេះផ្ទាល់ និងអនុស្ថានីយទាំងបីទីតាំងផ្សេងទៀតរបស់ក្រុមហ៊ុន ហើយទាំងនេះ គឺជាការខិតខំប្រឹងប្រែង និងគួរឲ្យ កោតសរសើរ ចំពោះកិច្ចខិតខំប្រឹងប្រែងរបស់ក្រុមការងារនៃក្រុមហ៊ុន អនៀន ម៉ូប៊ីលីធី ដើម្បីសម្រេចបាននូវចក្ខុវិស័យ និងទស្សនៈវិស័យនៃការរីកចម្រើន ទៅមុខរបស់យានជំនិះអគ្គិសនី ក្នុងគោលដៅដើម្បីជួយកាត់បន្ថយការចំណាយ របស់បងប្អូនអ្នកប្រកបរបរបើករត់កង់បីនៅកម្ពុជា ជួយឲ្យពួកគាត់រកចំណូល កើនឡើងជាងមុន»។

នាយកប្រតិបត្តិនៃធនាគារស៊ិនហាន នៅកម្ពុជា លោក Kim Nam-Soo បានថ្លែងថា «តាមរយៈកិច្ចព្រមព្រៀងធុរកិច្ចនេះ ដោយផ្អែកលើសម្ព័ន្ធភាពជាយុទ្ធសាស្រ្តរវាង ក្រុមហ៊ុន TADA និងធនាគារ Shinhan ប្រចាំប្រទេសកម្ពុជា យើងទន្ទឹងរង់ចាំ ការពង្រីកកិច្ចសហប្រតិបត្តិការរវាងក្រុមហ៊ុនទាំងពីរ នៅក្នុងទីផ្សារកម្ពុជា និងរួមចំណែកដល់គោលនយោបាយ ការពារបរិស្ថាន និងការអភិវឌ្ឍន៍ឧស្សាហកម្មដឹកជញ្ជូនរបស់កម្ពុជា»។

លោក Kay Woo បានថ្លែងថា «ល្ងាចនេះ ខ្ញុំពិតជាមានសេចក្តីសោមនស្សរីករាយក្រៃលែង ក្នុងការណែនាំកង់បី អគ្គិសនី អនៀន ធីវ័ន និងស្ថានីយមេហ្គា នៅចំពោះមុខភ្ញៀវកិត្តិយសទាំងអស់គ្នាផ្ទាល់។ ហើយវាក៏ជាថ្ងៃដ៏មានអត្ថន័យបំផុត សម្រាប់ខ្លួនខ្ញុំផ្ទាល់ផងដែរ។ ខ្ញុំធ្លាប់បានស្រមៃថា ខ្ញុំនឹងបង្កើតយានជំនិះអគ្គិសនីតាំងពីខ្ញុំនៅក្មេងមកម្លេះ។ ហើយទីបំផុត ខ្ញុំក៏បានខិតជិតមួយជំហានទៀត នៃការបង្កើតយានជំនិះអគ្គិសនីឡើងជាមួយក្រុមរបស់ខ្ញុំផ្ទាល់»។

លោកបានបន្តថា «ក្រោយការប្រគល់កង់បីអគ្គិសនី អនៀន ធីវ័ន ជាសាធារណៈ ដល់អ្នកបើកបរ TADA និងអតិថិជន របស់យើង យើងឃើញមានការចាប់អារម្មណ៍យ៉ាងច្រើនកុះករ ពីសាធារណជន ហើយយើងយល់ថា នេះជាសញ្ញាមួយដែល អាចបញ្ជាក់ឲ្យឃើញថា ទីក្រុងភ្នំពេញ ក៏ដូចជាប្រទេសកម្ពុជា បានត្រៀមខ្លួនរួចជាស្រេច ដើម្បីទទួលយកនូវបទពិសោធន៍ថ្មី នៃយានជំនិះអគ្គិសនី អនៀន ធីវ័ន។ ហើយខ្ញុំក៏ចង់បញ្ជាក់ថា អនៀន ធីវ័ន ជាយានជំនិះដែលផលិត ដំឡើង នៅកម្ពុជាប្រកបដោយមោទនភាពជាលើកដំបូង។ យើងពិតជាជឿថា អនៀន ធីវ័ន អាចផ្លាស់ប្តូរទាំងស្រុង ពីមធ្យោបាយធ្វើដំណើរ ចាស់ មកជាមធ្យោបាយ ដំណើរបែបថ្មី នៃយុគ្គ សម័យទំនើប»។

បន្ថែមពីនេះ ក្រុមហ៊ុន TADA Cambodia ក្រោមកិច្ចសហការជាមួយក្រុមហ៊ុន អនៀន ម៉ូប៊ីលីធី ក៏បានប្រគល់កង់បីអគ្គិសនី អនៀន ធីវ័ន ដល់អ្នកបើកបរឆ្នើម TADA ផងដែរ។

សូមបញ្ជាក់ថា ក្រុមហ៊ុន TADA ដែលជាក្រុមហ៊ុនមានបុត្រសម័្ពន្ធរួមជាមួយក្រុមហ៊ុន អនៀន ម៉ូប៊ីលីធី ជាកម្មវិធី កក់ការ ធ្វើដំណើរតាមទូរស័ព្ទដៃមិនគិតកម្រៃជើងសារពីអ្នកបើកបរ ដែលកំពុងឈានមុខគេមួយនៅកម្ពុជា និងទទួលបានសន្ទុះ នៃការគាំទ្រជាច្រើនពីសំណាក់អ្នកបើកបរ និងអ្នកជិះរបស់យើងនាពេលបច្ចុប្បន្ន។

ស្របគ្នានោះផងដែរ ក្រុមហ៊ុនអនៀន ម៉ូប៊ីលីធី ក៏មានកិច្ចសហការពីដៃគូជាច្រើនដូចជា៖ ធានាគារ Shinhan, ក្រុមហ៊ុន Ptt (Cambodia) Ltd, ក្រុមហ៊ុន Total Energies, ផ្សារទំនើប Fairplus Supermarket, ម៉ាត Circle K ដែលសុទ្ធតែជាដៃគូសហការ ក្នុងការចាប់ដៃ គូសម្រាប់ ការពង្រីក និងការដាក់ទីតាំង ដំណើរការអនុស្ថានីយដៃគូ នាពេលបច្ចុប្បន្ន និងអនាគត សម្រាប់ការ ផ្លាស់ប្តូរអាគុយ ទៅដល់អ្នកបើកបរកង់បីអគ្គិសនីអនៀន ធីវ័នឲ្យកាន់តែមាន ភាពធំទូលាយ ឆាប់រហ័ស និងកាន់តែមានទំនុកចិត្តពីសំណាក់អតិថិជន។

នេះជាការចាប់ផ្តើមទំព័រ នៃការផ្លាស់ប្តូរដ៏អស្ចារ្យមួយសម្រាប់កម្ពុជា ក្នុងការឆ្ពោះទៅកាន់ អនាគតនៃយានជំនិះ គ្មានផ្សែងបំពុល។ ចាប់ផ្តើមថ្ងៃនេះ ដើម្បីកម្ពុជា និងពិភពលោករបស់យើងកាន់តែប្រសើរសម្រាប់បច្ចុប្បន្ន និងអនាគតមនុស្សជំនាន់ក្រោយ។

សម្រាប់ព័ត៌មានបន្ថែម ឬស្វែងយល់ពីកម្មវិធីបញ្ចុះតម្លៃពិសេសសូមទំនាក់ទំនង៖ ០១២/ ០១៥/ ០៦៧ ២៦ ២៦ ៨៦ ឬផ្ញើសារតាមរយៈ Facebook Page: Onion Mobility៕