(ភ្នំពេញ)៖ ក្រុមហ៊ុន ជីប ម៉ុង លែន នាថ្ងៃទី២៨ មីនា ២០២២ បានចុះកិច្ចព្រមព្រៀងទូតសុច្ឆន្ទៈផ្លូវការទាំង ២ ដួងគឺ អ្នកនាង ឱក សុគន្ធកញ្ញា ដែលនឹងបន្តកុងត្រាក្នុងនាមជាទូតសុច្ឆន្ទៈ និងកញ្ញា ស៉ីន យូប៊ីន ដែលជាទូតសុច្ឆន្ទៈសម្រាប់ជីប ម៉ុង លែន ខុនដូ។ ស្របនឹងការស្វាគមន៍វត្តមានទូតសុច្ឆន្ទៈទាំង ២ មកក្នុងគ្រួសារ ជីប ម៉ុង លែន ក្រុមហ៊ុនក៏បានប្រកាសនូវការផ្ដល់ជូនដ៏អស្ចារ្យ សម្រាប់អតិថិជនផងដែរ។
លោក តេង កុយទ្រី ប្រធានជាន់ខ្ពស់ផ្នែកលក់ ក្រុមហ៊ុន ជីប ម៉ុង លែន បានបញ្ជាក់ថា ដោយមើលឃើញពីទេពកោសល្យ និងការចូលចិត្តស្រលាញ់ពីសំណាក់មហាជន ការជ្រើសរើស អ្នកនាង ឱក សុគន្ធកញ្ញា និងកញ្ញា ស៉ីន យូប៊ីន ជាទូតតំណាងសុច្ឆន្ទៈក្រុមហ៊ុន ជីប ម៉ុង លែន គឺជាជម្រើសដ៏ស័ក្តិសម។
អ្នកនាង ឱក សុគន្ធកញ្ញា បានបង្ហាញនូវក្តីសោមនស្សរីករាយដែលបានបន្តបំពេញភារកិច្ចជាទូតសុច្ឆន្ទៈនេះ រយៈពេល ២ឆ្នាំទៅមុខទៀត។ ស្របជាមួយគ្នានេះ កញ្ញា ស៉ីន យូប៊ីន ក៏បានបង្ហាញក្តីរំភើប ដែលត្រូវបានជ្រើសរើសជាទូតសុច្ឆន្ទៈសម្រាប់ក្រុមហ៊ុន ជីប ម៉ុង លែន ដែលជាក្រុមហ៊ុនអភិវឌ្ឍលំនៅឋានដ៏ប្រណីត និងបានត្រៀមខ្លួនជាស្រេចក្នុងការផ្សព្វផ្សាយ និងចូលរួមសកម្មភាពនានារបស់ជីប ម៉ុង លែន។
អ្វីដែលពិសេសនោះ ដើម្បីចូលរួមអបអរសាទរវត្តមានរបស់ទូតសុឆន្ទៈទាំងពីរដួង ជីប ម៉ុង លែន មានការផ្ដល់ជូនយ៉ាងពិសេសសម្រាប់អតិថិជនទាំងអស់រួមមាន៖
* បង់រំលស់ដោយឥតការប្រាក់រហូតដល់ ១៥ខែ សម្រាប់គ្រប់ប្រភេទផ្ទះ ទាំងអស់របស់ ជីប ម៉ុង លែន (លើកលែង ផាក លែន ខុនដូ ធីខេ)។
* សម្រាប់ ផាក លែន ខុនដូ ធីខេ អតិថិជនបន្តបង់ឥតគិតការប្រាក់រហូតដល់៣៦ខែ ត្រឹមតែ $៤០០ ជាងតែប៉ុណ្ណោះក្នុងមួយខែ៕
សម្រាប់ព័ត៌មានបន្ថែម សូមទំនាក់ទំនង 𝟎𝟔𝟏 𝟗𝟗𝟕 𝟖𝟖𝟖 ឬតាមដានទំព័រហ្វេកប៊ុក ជីប ម៉ុង លែន www.facebook.com/chipmongland
