(ភ្នំពេញ)៖ សូមទស្សនាទិដ្ឋភាព និងរូបភាព នៃការដង្ហែក្បូនទង់បន្តវេនធ្វើជាម្ចាស់ផ្ទះរៀបចំព្រឹត្តិការណ៍ប្រកួតកីឡាស៉ីហ្គេមលើកទី៣២ ឆ្នាំ២០២៣ និងក្រុមអត្តពលិកកម្ពុជាដែលបានធ្វើមាតុភូមិនិវត្តន៍ បន្ទាប់ពីបញ្ចប់ការប្រកួតកីឡាស៉ីហ្គេមលើកទី៣១ នៅទីក្រុងហាណូយ ប្រទេសវៀតណាម។
ក្បូនដង្ហែនេះបានមកដល់កម្ពុជានាល្ងាចថ្ងៃទី២៤ ខែឧសភា ឆ្នាំ២០២២ ក្រោមការដឹកនាំរបស់សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មការរៀបចំកីឡា អាស៊ីអាគ្នេយ៍នៅកម្ពុជា (CAMSOC) អមដំណើរដោយលោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា ព្រមទាំងលោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា៕
