(ភ្នំពេញ)៖ ដូចការសុំហ្វេនរបស់លោកមែន! សប្តាហ៍នេះបទ «How About Now?» របស់ G-Devith ហក់បានលេខ១ ដណ្តើមតំណែងបទ «ខូចចិត្តច្រើនដង» របស់ Doung Virakseth ដួង វីរៈសិទ្ធ ត្រឹមពេលមួយសប្តាហ៍!។

រំឭកកាលពីសប្ដាហ៍ទី៣០ (១០ កក្កដា - ១៦កក្កដា) បទ «How About Now?» ឈរនៅលេខរៀងទី១០ ក្នុងបញ្ជីចម្រៀង «បទល្បីៗនៅកម្ពុជាទាំង ៥០ នៅក្នុង Pleng» បន្ទាប់ពីចេញទើបតែបានតែ១ថ្ងៃ និងទទួលបានការគាំទ្រជាខ្លាំងពីហ្វេនៗរបស់លោក។ ស្រាប់តែសប្ដាហ៍ទី ៣១ (១៧កក្កដា - ២៣ កក្កដា) ដណ្តើមយកលេខ១ តែម្តង!។

បើតាមប្រភព Facebook Post របស់ G-Devith ផ្ទាល់បានបង្ហោះកាលពីថ្ងៃទី១៧ កក្កដា បានសរសេរទៅកាន់ហ្វេនៗលោកថា «មើលធ្វើទំនេរៗ stream how about now? នៅភ្លេងលេងៗមើលក្រែងបាន top ៥០ អីហ្នឹងគេ Weeee Weeee Weeee HOW ABOUT NOW?»។

ចំណែកបទលេខ២ ក្នុងតារាងគឺ «ខូចចិត្តច្រើនដង» ដោយ ដួង វីរៈសិទ្ធ តាមពីក្រោយដោយបទ «រសជាតិយ៉ាងម៉េច?» (HOW'S IT TASTE?) របស់ VannDa។

នេះជាតារាង បទកំពូលទាំង១០ របស់បញ្ជីចម្រៀង «បទល្បីៗនៅកម្ពុជាទាំង៥០ នៅក្នុង Pleng» ប្រចាំសប្តាហ៍ទី៣១ (១៧កក្កដា-២៣កក្កដា)។

បើលោកអ្នកចង់ឱ្យតារាក្នុងដួងចិត្តរបស់អ្នកបានឡើងទៅដល់កំពូលតារាងក្នុងបញ្ជីរបទចម្រៀង «បទល្បីៗនៅកម្ពុជាទាំង50 នៅក្នុង Pleng» លោកអ្នកគ្រាន់តែចូលទៅស្ដាប់បទចម្រៀងរបស់អាយដលក្នុងដួងចិត្តរបស់អ្នកក្នុង Pleng ឱ្យបានច្រើនៗ។

គួរបញ្ជាក់ផងដែរ បើលោកអ្នកស្តាប់បទេពួកគាត់កាន់តែច្រើនក្នុង Pleng app មិនត្រឹមតែជួយអោយគាំទ្រចម្រៀងពួកគាត់នោះទេ តែក៏ជួយរកចំណូលដល់សិល្បករខ្មែរយើងផងដែរ ពីព្រោះ Pleng app គឺផ្តល់កម្រីដល់ពួកគាត់តាមចំនួនដងនៃការស្តាប់របស់ពួកគាត់ផងដែរ!

កុំភ្លេចរង់ចាំតាមដាន ថាតើតារារូបណាដែលជាប់ចំណាត់ថ្នាក់ក្នុងបញ្ចីបទចម្រៀង TOP 50 នៅសប្តាហ៍ក្រោយ នៅក្នុង Pleng app។
អាចចូលស្តាប់បទចម្រៀងកំពូលទាំង ៥០ ក្នុងសប្ដាហ៍នេះលើ Pleng App តាមតំភ្ជាប់នេះបាន: https://pleng.smart.com.kh/playlists/cambodia-top-50/258/