(លូមបាឌី)៖ អតីតខ្សែបម្រើក្លិប FC Barcelona, Arsenal និង Chelsea កីឡាករ Cesc Fabregas បានចូលរួមជាមួយក្លិបដែលលេងនៅលីគលំដាប់ទី២ របស់អ៉ីតាលី Como លើការផ្ទេរដោយឥតបង់ថ្លៃ ដោយចុះកិច្ចសន្យា ២ឆ្នាំ។ នេះបើយោងតាមសារព័ត៌មាន CNA ចេញផ្សាយនាថ្ងៃទី០២ ខែសីហា ឆ្នាំ២០២២។

អតីតកីឡាករលំដាប់អន្តរជាតិអេស្ប៉ាញ Fabregas បានក្លាយជាកីឡាករគ្មានក្លិបលេង បន្ទាប់ពីការចាកចេញរបស់លោកពីក្លិប AS Monaco ដែលលេងនៅលីគកំពូលបារាំង Ligue 1 កាលពីពេលបិទរដូវកាលមុន។

ក្លិប Como បានបញ្ចប់នៅចំណាត់ថ្នាក់ទី១៣ ក្នុងលីគ Serie B កាលពីរដូវកាលមុន បន្ទាប់ពីការឡើងរបស់ពួកគេមកពីលីគលំដាប់ទី៣ ក្នុងរដូវកាល២០២០-២១។

កីឡាករ Fabregas គឺជាផ្នែកមួយនៃក្រុមដណ្តើមបានពានរង្វាន់ពិភពលោក World Cup របស់អេស្ប៉ាញ ក្នុងឆ្នាំ២០១០ និងបានឈ្នះពានរង្វាន់ Premier League ចំនួន ២លើកជាមួយក្លិបតោខៀវ Chelsea ទៀតផង៕