(ភ្នំពេញ)៖ តើអ្នកដឹងទេថា រាជធានីភ្នំពេញមានភោជនីយដ្ឋានដ៏អស្ចារ្យបែបនេះ? ភោជនីយដ្ឋាន Shatō51 មានកន្លែងអង្គុយតែ ១៤កន្លែង ហើយទទួលភ្ញៀវ ដែលបានកក់ទុកមុនតែប៉ុណ្ណោះ។

Denis គឺជាចុងភៅដែលមកពីប្រទេសបារាំងផ្ទាល់តែម្តង។ លោកបានធ្វើដំណើរទៅប្រទេសជប៉ុន ប្រេស៉ីល និងចិន ដើម្បីស្វែងរកម្ហូបថ្មីៗជាបន្តបន្ទាប់ ហើយចំពោះគ្រឿងផ្សំសម្រាប់ធ្វើម្ហូបវិញ គឺបាននំាយកពីសហរដ្ឋអាមេរិក កាណាដា អាមេរិកខាងត្បូង អឺរ៉ុប អាស៉ីអាគ្នេយ៍ និងជប៉ុនជាដើម។ ការប្រើប្រាស់គ្រឿងផ្សំសម្រាប់ចម្អិន គឺសុទ្ធតែគ្រឿងផ្សំពិសេសៗប្រចាំតំបន់ទាំង ៥នេះ ចំណែកម្ហូបអាហារនីមួយៗ ធ្វើឡើងយ៉ាងយកចិត្តទុកដាក់ មានកម្រិតខ្ពស់ និងសោភ័ណភាព។

កន្លងទៅប៉ុន្មានថ្ងៃនេះ លោក Denis បានអញ្ជើញ លោក Zhu Zong ដែលជាអ្នកគ្រប់គ្រងទូទៅតែមួយគត់របស់ក្រុមហ៊ុន China Hongqi Cambodia ដើម្បីមកទទួលទាន អាហារ នៅ Shatō51។

នាថ្ងៃនោះ រថយន្ត Hongqi ស៊េរី H9 និង ម៉ូដែលអគ្គិសនី EQM5 ដែលទើបនឹងចុះបញ្ជី នៅប្រទេសកម្ពុជា បាននាំយកមកតាំងបង្ហាញនៅខាងមុខភោជនីយដ្ឋាន Shatō51 ហើយការបង្ហាញនេះ បានទាក់ទាញអ្នកឆ្លងកាត់ឲ្យឈប់មើលរថយន្តទាំងពីរម៉ូដែលនេះផងដែរ។លោក Denis បាននិយាយថា លោកមានរថយន្ត Hongqi នៅពេលដែលលោកបានបើក ភោជនីយដ្ឋានមួយ នៅក្រុង Shenzhen កាលពីមុន ហើយលោកពិតជាពេញចិត្តចំពោះ រថយន្ត Hongqi ហើយវាជាឱកាសមួយដែលលោកបានអញ្ជើញភ្ញៀវពិសេសបំផុតនៅថ្ងៃនេះ។

បន្ទាប់ពី លោក Zhu និងសមាជិករបស់លោកបានអង្គុយចុះ លោក Denis បានចាប់ផ្ដើមណែនាំ គ្រឿងផ្សំសំខាន់ៗ ទៅកាន់ភ្ញៀវដែលមកទទួលទានអាហារ ដូចជា សាច់គោ A5 wagyu មកពីប្រទេសជប៉ុន ដំឡូងថ្លៃជាងគេបំផុតរបស់ពិភពលោក ពងត្រីពីប្រទេសបារាំង បង្គា Carabiniero ពី Mallorca។

ភ្ញៀវទាំងនោះមានការចាប់អារម្មណ៍ពីការធ្វើម្ហូបយ៉ាងយកចិត្តទុកដាក់ ពីលោកDenis ហើយក៏មានការចាប់អារម្មណ៍ទៅលើការតុបតែងម្ហូបផងដែរ។ លោក Zhu បានលើកឡើងថា «ខណៈដែលកំពុងភ្លក្សអាហារនោះ ខ្ញុំមានអារម្មណ៍រំភើប ចំពោះការចម្អិនម្ហូបរបស់ Denis ហើយចាន នីមួយៗពោរពេញទៅដោយកម្រិតខ្ពស់ និងថ្លៃថ្នូរ»។

Denis បាននិយាយអំពីទស្សននៃការធ្វើម្ហូបរបស់គាត់ ដែលមិនបានកំណត់និយមន័យច្បាស់លាស់ទេ ហើយការបំផុសគំនិតទាំងអស់សម្រាប់ការធ្វើម្ហូប បានមកពីគាត់ផ្ទាល់។ Denis បន្តថា «ការធ្វើម្ហូប មិនដូចគ្នាទេ ប៉ុន្តែតាមរយៈការបង្កើតថ្មីជាបន្តបន្ទាប់ គឺបង្កើតចេញពីការបំផុសគំនិត ថ្មី បង្កើតនូវបទពិសោធន៍ ដ៏លេចធ្លោមួយផ្សេងគ្នា ហើយធ្វើឲ្យម្ហូបអាហារមានភាពរស់រវើក និងមានមនុស្សចូលចិត្តកាន់តែច្រើន»។

ដោយកើតចេញពីសេចក្តីស្រឡាញ់ចំពោះការធ្វើម្ហូប លោកបានជ្រើសរើសគ្រឿងផ្សំល្អៗ ហើយប្តេជ្ញាចិត្តក្នុងការបង្កើតភោជនីយដ្ឋាន «Michelin» ដែលមានកម្រិតខ្ពស់បំផុត ដោយផ្តល់នូវបរិស្ថានល្អបំផុត ជាមួយនឹងគ្រឿងផ្សំថ្មីបំផុត ដែលផ្តល់ឲ្យអតិថិជននូវកម្រិតខ្ពស់បំផុតបែប ឯកជនភាព។

លោក Zhu ក៏បាននិយាយថា ទស្សនអាជីវកម្ម សេវាកម្ម របស់លោក Denis និងក្រុមអតិថិជន គឺពិតជាត្រូវគ្នាជាមួយនឹង ម៉ាកយីហោ Faw-hongqi អន្តរជាតិ ដ៏មានកិត្យានុភាព ដែលផ្តោតលើការធ្វើរថយន្តដ៏ប្រណិត និងប្តេជ្ញាចិត្តចំពោះបទពិសោធន៍ផ្តាច់មុខ នៃសេវាអតិថិជន ដែលមានគុណភាពខ្ពស់ ហើយម៉ាក Hongqi ក៏យក «វិជ្ជាជីវៈ សន្តិភាពនៃគំនិត និងភាពរីករាយ» ជាគំនិតនាំមុខ និងប្ដេជ្ញាបង្កើតនូវរថយន្ត ដែលមានគុណភាពខ្ពស់ សម្រាប់អតិថិជន។

ជាមួយគ្នានេះដែរ លោក Zhu បានលើកឡើងនូវគំនិតថា ភាគីទាំងពីរអាចសហការគ្នា ដោយសង្ឃឹមថានឹងអាចចូលរួមជាមួយភោជនីយដ្ឋាន Shatō51 ដើម្បីបង្កើតបទពិសោធន៍ថ្មី សេវាកម្ម ដែលមានគុណភាពខ្ពស់ សម្រាប់ក្រុមហ៊ុន Hongqi។

លោក Denis បានទទួលស្គាល់យ៉ាងខ្លាំងថា នេះគឺជាវិធីមួយដែលមិនធ្លាប់មានពីមុនមក នៃកិច្ចសហប្រតិបត្តិការ ហើយលោកក៏ទន្ទឹងរង់ចាំកិច្ចសហការ នាពេលអនាគត ជាមួយក្រុមហ៊ុន Hongqi Motors ដ៏ល្បីល្បាញផងដែរ។

នៅក្នុងកិច្ចពិភាក្សានោះ ភាគីទាំងពីរពិតជារីករាយ និងពោរពេញទៅដោយការរំពឹងទុកសម្រាប់ កិច្ចសហប្រតិបត្តិការនាពេលអនាគត៕