(ភ្នំពេញ)៖ ព្រឹត្តិការណ៍បាល់ទាត់ពានរង្វាន់ជម្រើសជើងឯកកម្ពុជា លីគ២ នឹងឈានចូលសប្តាហ៍ទី១៩ ចុងសប្តាហ៍នេះដោយមានក្រុមម្ចាស់ផ្ទះកោះកុងអេហ្វសុី នឹងត្រូវបើកទ្វារទទួលស្វាគមន៍ អគ្គិសនីកម្ពុជា នៅថ្ងៃអាទិត្យ ទី០៩ ខែតុលា ឆ្នាំ២០២២ ក្នុងទឹកដីនៃកីឡដ្ឋាន វិទ្យាល័យតេជោសែន កោះកុង វេលាម៉ោង ១៥៖៤៥នាទីរសៀល។
អ្វីដែលសំខាន់នោះ កោះកុងអេហ្វសុី សប្តាហ៍ទី១៨ បានយកឈ្នះក្រុមម្ចាស់ផ្ទះ អាសុីអឺរ៉ុបយូណាយធីត យ៉ាងចាស់ដៃក្នុងលទ្ធផល ៧-៣ កាលពីថ្ងៃអាទិត្យ ទី០២ ខែតុលា កន្លងទៅ នៃទឹកដីកីឡដ្ឋាន A.E.U។ កោះកុងអេហ្វសុី ឆ្លងកាត់១៨ប្រកួតមកនេះ ឈ្នះ១២ ស្មើ៣ ចាញ់៣ និងកំពុងឈរនៅចំណាត់ថ្នាក់លេខ២ និងមាន ៣៩ពិន្ទុ។
ចំណែកឯក្រុមអគ្គិសនីកម្ពុជាវិញ សប្តាហ៍ទី១៨ បានយកឈ្នះ ក្រុមម្ចាស់ផ្ទះ ព្រៃវែងអេហ្វសុី នៅក្នុងលទ្ធផល ២-០ កាលពីថ្ងៃអាទិត្យ ទី០២ ខែតុលា កន្លងទៅ នៃទឹកដីកីឡដ្ឋាន ខេត្តព្រៃវែង។ អគ្គិសនីកម្ពុជាឆ្លងកាត់១៨ប្រកួតកន្លងមកនេះ ឈ្នះ១៣ ស្មើ៣ ចាញ់២ និងកំពុងឈរនៅកំពូលតារាងលេខ១ និងមាន ៤២ពិន្ទុ។
ខាងក្រោមនេះជាកម្មវីធីប្រកួតរបស់ក្រុមទាំង១២ នៅថ្ងៃអាទិត្យ ទី០៩ ខែតុលា ឆ្នាំ២០២២ នោះរួមមាន៖
១៖ សៀមរាបអេហ្វស៊ី Vs ព្រៃវែងអេហ្វស៊ី
២៖ បន្ទាយមានជ័យអេហ្វស៊ី Vs នគរបាលជាតិ
៣៖ ISI ដង្កោសែនជ័យ Vs ខេត្តត្បូងឃ្មុំ
៤៖ សាលាកីឡាបាល់ទាត់ជាតិ Vs សូលទីឡូអង្គរ
៥៖ ណិចស្តិបអេហ្វស៊ី Vs អាស៊ីអឺរ៉ុបយូណាយធីត
៦៖ កោះកុងអេហ្វស៊ី Vs អគ្គិសនីកម្ពុជា ៕