(អង់គ្លេស)៖ តារាសម្តែងល្បីឈ្មោះរបស់អង់គ្លេសតួអង្គ James Bond លោក Daniel Craig នាពេលថ្មីៗនេះ បានទទួលមេដាយកិត្តិយសកងទ័ពជើងទឹករបស់អង់គ្លេស ដែលជាតួនាទីក្នុងខ្សែភាពយន្ត ខណៈការទទួលបានមេដាយនេះ គឺបន្ទាប់ពីតារាល្បី Craig ប្រកាសចូលនិវត្តន៍ពីតួអង្គ James Bond។ នេះបើតាមការចេញផ្សាយរបស់សារព័ត៌មាន Straits Times នៅថ្ងៃទី២០ ខែតុលា ឆ្នាំ២០២២។

ជាក់ស្តែងនៅថ្ងៃទី១៨ ខែតុលា ថ្មីៗកន្លងទៅនេះ លោកត្រូវបាន ព្រះនាង Anne ដែលជាសមាជិកក្នុងគ្រួសាររាជវង្សអង់គ្លេស បំពាក់មេដាយកិត្តិយសនេះជូនរូបលោក សម្រាប់ការចូលរួមចំណែកដ៏ឆ្នើមក្នុងវិស័យភាពយន្ត។

គួរជម្រាបថា លោក Daniel Craig វ័យ៥៤ឆ្នាំ បានប្រើប្រាស់ពេលវេលាប្រមាណ១៦ឆ្នាំមកហើយ ក្នុងការសម្តែងជាតួអង្គមេបញ្ជាការ តាមរយៈការដើរតួជាតួអង្គ James Bond ដោយភាពយន្តដំបូង គឺមានចំណងជើងថា «Casino Royale» ចេញឆ្នាំ២០០៦ នៃការដើរតួជា James Bond របស់លោក។

ដោយឡែក Daniel Craig បានដើរតួអង្គនេះជាលើកចុងក្រោយក្នុងរឿងស៊េរីថ្មី គឺ «No Time To Die»៕