(ភ្នំពេញ)៖ ក្រោយពីឆ្លងកាត់ ២៥សប្តាហ៍មកនេះ នៃពានរង្វាន់ជម្រេីសជេីងឯកខេមបូឌានព្រីមៀរលីគ ឆ្នាំ២០២២ ក្នុងចំណោមTOP4 ឃើញថាក្រុមវិសាខា ទទួលបាន៣ពិន្ទុបន្ថែមទៀត ក្រោយពីបានយកឈ្នះក្រុមបឹងកេត ក្នុងលទ្ធផល ៥-៣។
សម្រាប់ការប្រកួតរបស់ក្រុមទាំងពីរ ចូលដល់តង់ទី១ ក្រុមម្ចាស់ផ្ទះ វិសាខា បាននាំមុខមុនមួយគ្រាប់ និងទាត់បញ្ចូលទីដោយកីឡាករ OUK SOVANN ពាក់លេខ២៧ នៅនាទីទី១៧ ក្រោយមកក្រុមភ្ញៀវបឹងកេត បានវាយបកយក២គ្រាប់វិញ និងស៊ុតបញ្ចូលទីដោយកីឡាករ ពាក់លេខ៩ សៀង ចន្ធា នៅនាទីទី២៧ និងនាទីទី៤៥+៣ ទាត់ចូលដោយកីឡករ ពាក់លេខ២២ AJAYI OPEYAMI។
ឈានចូលដល់តង់ទី២ ក្រុមវិសាខា រកបាន ៤គ្រាប់បន្ថែម ជាការទាត់បញ្ចូលទីដោយកីឡាករ MARCOS VINICIUS ពាក់លេខ១៧ នៅនាទីទី៥៨ និងកីឡាករ កែវ សុខផេង ពាក់លេខ១០ នៅនាទីទី៦៤ ,កីឡាករ LEE JAEGUN ពាក់លេខ៨ ស៊ុតចូលនៅនាទីទី៨៣ ដោយចុងម៉ោង កីឡាករ MARCOS VINICIUS ពាក់លេខ១៧ បានបន្ថែមគ្រាប់ទី២របស់ខ្លួន នៅនាទីទី៨៧ និងធ្វើអោយក្រុមទទួលបានជ័យជម្នះផងដែរ។
គួររំលឹកថា កាលពីសប្តាហ៍ទី២៤ ជើងទី១ វិសាខា ក៏ធ្លាប់បានយកឈ្នះម្ចាស់ផ្ទះបឹងកេត ក្នុងលទ្ធផល ២-១ កាលពីថ្ងៃពុធ ទី១៦ ខែវិច្ឆិកា កន្លងទៅ។ វិសាខា ក្រោយពីបានឆ្លងកាត់២៥ប្រកួតមកនេះ ឈ្នះ១៥ ស្មើ៤ និងចាញ់៦ កំពុងឈរនៅកំពុងតារាង ក្នុងចំណោម TOP4 និងមាន៤៩ពិន្ទុ៕