(ដូហា)៖ ការប្រកួតនៅ World Cup 2022 រវាងប៉ូឡូញ ប៉ះអារ៉ាប៊ីសាអូឌីត ម៉ោង ៨យប់ថ្ងៃសៅរ៍ ទី២៦ ខែវិច្ឆិកានេះ (ម៉ោងនៅកម្ពុជា)។
នេះការជាប្រកួតសន្សំពិន្ទុលើកទី២ ប្រចាំពូល C នៃក្រុមទាំងពីរ ដោយក្រុមប៉ូឡូញ មាន១ពិន្ទុ ក្រោយលេងបានស្មើជាមួយ ម៉ិកស៊ិក បន្ទាប់ពីក្រុមអារ៉ាប៊ីសាអូឌីត បាន៣ពិន្ទុ ខណះពេលយកឈ្នះ អាហ្សង់ទីន ២ទល់១ នៃជុំទី១កន្លងទៅ នៃពូល C ជាមួយគ្នា។
ប្រវត្តិខ្លះៗរបស់ក្រុមជម្រើសជាតិទាំងពីរ ធ្លាប់ជួបគ្នា ៤ដងមកហើយ ក្រុមអារ៉ាប៊ីសាអូឌីត មិនដែលស្គាល់ពាក្យថាឈ្នះម្តងឡើយ ដោយឆ្នាំ១៩៩៤ ប៉ូឡូញ ឈ្នះធ្លាប់បានឈ្នះ៣ដង ១ទល់០,២ទល់០,២ទល់១ បន្ទាប់មកដល់ឆ្នាំ២០០៦ ប៉ូឡូញ ក៏នៅតែបន្តឈ្នះអារ៉ាប៊ីសាអូឌីត ក្នុងលទ្ធផល ២ទល់១ ក្នុងការប្រកួតមិត្តភាពអន្តរជាតិ។
នេះជាការប្រកួតលើកទី២៣ ក្នុងចំណោម ៦៤ប្រកួតសរុបនៅ World Cup លើកទី២២ នៃវគ្គចែកពូល ៣២ក្រុម ជុំទី២ មុនពេលអាហ្សង់ទីន ប៉ះម៉ិកស៊ិក នៅថ្ងៃអាទិត្យ ទី២៧ ខែវិច្ឆិកា នាម៉ោង២រំលងអាធ្រាត្រ (ម៉ោងនៅកម្ពុជា) នៃពូល C៕